برائیوں سے پرہیز کریں دوسروں کو بھی نیک بنائیں:مفتی مسیح الدین حشمتی

سلطان المناظرین کانفرنس و جلسہ دستار بندی میں دینی علمی شخصیات نے سامعین سے خطاب کیا

مہراج گنج ترائی: (قمرانجم فیضی) سلطان المناظرین کانفرنس و جلسہ دستار بندی کے موقع پر حافظ فریاد حسین کی تلاوت پروگرام کا آغاز ہوا۔ عوام سے برائیوں سے پرہیز کرنے اور دوسروں کو بھی نیک بنانے کی اپیل کی گئی جلسے کی ابتداء میں نعت رسول پاک کا خوشنما دور چلا ۔ سر براہ اعلیٰ الجامعۃ الاشرفیہ نے بہت ہی احسن طریقے سے سرپرستی فرمائی۔

واضح ہو کہ مورخہ 5 فروری 2025 مطابق 4 شعبان المعظم بروز بدھ بعد نماز عشاء سر زمین علم وادب جامعہ اہلسنّت نورالعلوم عتقییہ مہراج گنج ترائی ضلع بلرامپور میں نورو نکہت میں ڈوبی ایک حسین رات روح پرور و تاریخ ساز جلسہ "سلطان المناظرین کانفرنس” و سالانہ جشن دستار بندی منعقد کی گئی۔
جس کی سیادت سید احمد رضا بانی کے جی این ویلفیئر سوسائٹی بلرامپور، محمد ضیاء اشرف فرمائیں گے۔ صدارت ضمیر احمد لطیفی اور رفاقت مولانا ریاض اختر مصباحی نیز نظامت عمران رضا قادری نے کی اپنی خوبصورت و سنجیدہ شعر وشاعری کے ذریعہ انہوں نے سامعین کو بیدار رکھا۔ ابتدائی خطاب مولانا محمد نعیم عزیزی نے اولادوں کی تعلیم تربیت، اصلاح معاشرہ، اور علماء کی اہمیت، امام کی خدمت، پر شاندار اور زبردست تقریر کی۔ جس میں آپ نے مسلمانوں کو اپنے بچوں کو تعلیم یافتہ بالخصوص عالم دین بنانے پر خاص طور سے توجہ دینے کی گذارش کی ہے۔

اس کے بعد مداح رسول فیضان رضا نوری بلرامپوری، نے ترنم ریز لہجے میں نعت رسول پیش کی ۔بعدہ ازاں مفتی شیر محمد خان نے شب معراج کے حوالے سے کافی موثر ترین، اور دلائل و براہین سے مزین گفتگو کی۔

مداح رسول اکرم شبیر حسن مسعودی بہرائچی اور شاعر ضیاء یزدانی بہرائچی نے خوبصورت لب و لہجے میں نعت و منقبت کے کلام پیش کرکے سامعین سے خوب داد و تحسین وصول کی۔

- Advertisement -

خصوصی خطاب مفتی مسیج الدین حشمتی نے آیت کریمہ "رفع بعضھم درجۃ”: پر سیر حاصل گفتگو فرمائی۔ آپ نے صالح معاشرہ کی تشکیل کے لئے زور دیتے ہوئے کہا کہ ہر مسلمان مرد وعورت کی ذمہ داری ہے کہ ایمان وعقیدہ کی درستگی کے ساتھ خود بھی نیک اعمال کا خوگر ہو، برائیوں سے پرہیز کرے اور دوسروں کو بھی صالح بنانے کی کوشش کرے، اچھائیوں کو پھیلانے اور برائیوں کو مٹانے کی فکر اور جد و جہد کرے۔ ایک مسلمان کی پہلی ذمہ داری یہ ہے کہ اپنے ایمان اور عقیدہ کی درستگی کے ساتھ اپنے اعمال، اخلاق ، عادات اور معاملات کو شریعت وسنت کے مطابق بنانے کی کوشش کرے لیکن صرف اپنے ایمان اور اعمال کی فکر کافی نہیں بلکہ درجہ بدرجہ اپنے اہل خانہ، اہل وعیال، اہل محلہ، اہل شہر بلکہ تمام لوگوں کو نیکی کی راہ پر لانے کی فکر کرے۔ اللہ تعالیٰ نے سورہ’’ والعصر‘‘ میں زمانے کی قسم کھا کر فرمایا ہے کہ تمام انسان خسارے اور نقصان میں ہیں ، سوائے ان کے جوا یمان والے ہوں ، اچھے کام کریں ، آپس میں ایک دوسرے کو صحیح بات کی تلقین کریں اور آپس میں ایک دوسرے کو صبر واستقامت کی تاکید کریں ۔

مفتی سہیل اختر مصباحی نے آخری خطاب کیا ۔ اس موقع پر کثیر تعداد میں علماء ادباء شعراء قراء موجود تھے۔جن میں نور محمد نعیم القادری، فیاض احمد خان برکاتی، قاری ریاض اختر ، مفتی عبدالرقیب خان مصباحی، ذاکر حسین، شفاعت اللہ خان، شہادت حسین، نورالدین رضوی، ساجد علی، شمیم قادری، فاروق، ابراہیم نوری، شیر علی ثقافی، رجب علی نعیمی، غلام ربانی، سلمان رضا وغیرہ موجود تھے۔

آخر میں سر براہ اعلیٰ الجامعۃ الاشرفیہ مبارک پور نے کل 38 حفاظ و قراء کے سروں پر صافہ باندھ کر سند و دستار سے نوزا۔ اس درمیان طلبہ کے گھر والوں نے گل پوشی اور تحفہ تحائف سے نواز کر اپنے بچوں کی دل جوئی و حوصلہ افزائی کی ۔اس موقع پر شبراتی شاه اشرفی ناظم اعلی و جملہ اراکین جامعہ اہلسنت نور العلوم عتيقيہ مہراج گنج ترائی نیز تمام خوش عقیدہ حضرات نے خطباء کرام کے بیانات اور شعراء کے نعت و منقبت کو سن کو اپنے ایمان و عقیدے کی کھیتی کو سرشبزوشاداب کیا ۔ اور اپنے قلوب و اذہان کو منور ومجلی کیا۔