جامعہ اہلسنت گلشن طیبہ فاطمہ میں ختم بخاری

اترولہ (محمد قمرانجم قادری فیضی) صدرالمدرسین وصدرشعبہ افتاء دارالعلوم حشمت العلوم گائیڈیہ بلرامپور نے ختم بخاری شریف کروائی۔ مورخہ 6 فروری 2025 بروز جمعرات جامعہ اہلسنت گلشن طیبہ فاطمہ اترولہ میں جامعہ کے صدر المدرسین مولانا نورالدین اسماعیلی کی صدارت اور جامعہ کے سربراہ اعلی عقیب الرحمٰن کی سرپرستی اورائمۂ مساجد و عوام اہلسنت کی موجودگی میں بخاری شریف کا آخری درس بنام جشن ختم بخاری شریف ہوا.
حسب روایت محفل کا آغاز تلاوت کلام پاک سے ہوا پھر نعت و منقبت پیش کیا گیا اس کے بعد مفتی معین الدین جامعی نے ختم بخاری شریف کی تاریخی حیثیت اس کی فضیلت وبرکت حضرت امام بخاری رضی اللہ تعالی عنہ کی علمی شخصیت اور بخاری شریف کی اہمیت اور اس کی صحت وعظمت پر جامع گفتگو فرمایا اور بخاری شریف کی آخری حدیث شریف کا درس دیا

آپ نے وزن اعمال کے حوالے سے تفصیلی گفتگو فرمائی اور اس دوران اہل سنت والجمات کے موقف کو نہایت محقق ومدلل اور بڑے اچھوتے انداز میں ثابت فرمایا جامعہ سے فارغ ہونےوالی تمام طالبات کو خاتون جنت حضرت سیدتنا فاطمہ الزہراء رضی اللہ تعالٰی عنہا کی سیرت پاک پر مکمل طور سے عمل پیرا ہونے کی نصیحت فرمائی.

صلوٰۃ وسلام کے بعد حضرت کی دعا پر اس پاکیزہ علمی اور روحانی بزم کا اختتام ہوا.
اس مبارک موقع پر مولانا ریحان احمد قادری، قاری محمد اختررضا قادری جامعی، مولانا غلام محی الدین، مولانا اعجاز ، مولانا رضوان حافظ عظمت اللہ، قاری شاہ عالم حافظ واصف، نیاز احمد ، مولانا صدام حسین، ڈاکٹر اقبال، مولانا جبریل، حافظ عبداللہ، حافظ مستقیم وغیرہ کے علاوہ عوام اہلسنت بھی کثیر تعداد میں شریک سعادت رہے.