کانپور / محمد عثمان قریشی/ 7 مارچ کو میاہ صیام ہیلپ لائن میں پوچھے گئے شرعی سوالات کے جوابات درج ذیل ہیں پہلا سوال: کیا معمولی تکلیف کی وجہ سے روزہ توڑ سکتے ہیں؟
جواب: معمولی تکلیف کی وجہ سے روزہ توڑنا جائز نہیں، حدیث پاک میں ہے کہ
"جس نے رمضان کے ایک دن کا روزہ بغیر عذر اور بغیر بیماری کے افطار کیا (چھوڑا)، تو زمانہ بھر کا روزہ بھی اس کی قضا نہیں ہو سکتا، اگرچہ رکھ بھی لے۔” (ترمذی)
یعنی رمضان میں روزہ رکھنے کی جو فضیلت ہے، وہ کسی طرح حاصل نہیں ہو سکتی تو جب روزہ نہ رکھنے پر اتنی سخت وعید ہے، تو روزہ رکھ کر توڑ دینا اور سخت بات ہے۔
سوال: کیا روزہ کی حالت میں حقہ یا سگریٹ پینے کی اجازت ہے؟ اگر رہا نہیں جاتا تو کیا کیا جائے؟
جواب: روزے کی حالت میں حقہ، سگار، سگریٹ، چرٹ یا تمباکو کھانے سے روزہ ٹوٹ جاتا ہے، چاہے دھواں حلق تک پہنچانا معلوم نہ ہو۔ حتیٰ کہ اگر کسی نے پان یا صرف تمباکو چبایا اور اس کی پیک تھوک دی، تب بھی باریک اجزاء ضرور حلق میں پہنچتے ہیں۔
سوال: کیا روزے کی حالت میں دانت اکھڑوا سکتے ہیں؟
جواب: اگر روزے کی حالت میں دانت اکھڑوایا اور خون نکل کر حلق سے نیچے اتر گیا، تو اس سے روزہ ٹوٹ جائے گا اور اس کی قضا واجب ہوگی۔ اگر خون حلق سے نیچے نہیں اترا تو روزہ برقرار رہے گا۔
لیکن حالت روزہ میں دانت اکھڑوانے سے پرہیز کریں کہ روزہ مکمل کرنے میں تکلیف ہو سکتی ہے۔
سوال: اگر کسی نے سوتے میں کچھ کھا یا پی لیا تو کیا روزہ ٹوٹ جائے گا؟
جواب: اگر کوئی شخص سوتے میں پانی پی لیا یا کچھ کھا لیا، یا اس کا منہ کھلا تھا اور پانی کا قطرہ یا اولہ (ژالہ) خود بخود حلق میں چلا گیا، تو اس سے روزہ ٹوٹ جائے گا۔
سوال: اگر کوئی دوسرے کا تھوک نگل جائے تو کیا روزہ برقرار رہے گا؟
جواب: اگر کسی نے دوسرے کا تھوک نگل لیا یا اپنا ہی تھوک ہاتھ پر لے کر نگل لیا، تو اس سے روزہ ٹوٹ جائے گا۔
ماہِ صیام ہیلپ لائن میں مفتیاں کرام و علماء کے رابطہ جاتی اور واٹس اپ نمبرات
- مفتی محمد الیاس خاں نوری (مفتی اعظم کان پور) 9935366726
- مفتی محمد هاشم اشرفی 9415064822
- مفتی محمد مہتاب عالم مصباحی 9044890301
- مولانا فتح محمد قادری 9918332871
- مفتی محمد حسان اختر علیمی9161779931
- مولانا قاسم اشرفی مصباحی ( آفس انچارج ) 8052277015
- مولانا غلام حسن قادری 7897581967
- مفتی گل محمد جامعی اشرفی 8127135701
- مولانا سفیان مصباحی 9519904761
- حافظ محمد ارشد اشرفی 8896406786
- جناب اقبال احمد نوری 8795819161
