امبیڈکر نگر: پیس پارٹی اترپردیش ان دنوں کافی سرگرم نظر آرہی ہے پارٹی کارکنان پے در پے پروگرام اور ممبرسازی مہم چلا رہے ہیں ریاست کی مختلف اسمبلی حلقوں سے موصول ہونے والی اطلاعات کے مطابق آج امبیڈکر نگر ضلع کے ٹانڈہ اسمبلی حلقہ ممبرسازی چلائی گئی جس میں بڑی تعداد میں عوام نے شرکت کرکے پارٹی کی رکنیت حاصل کی-
پیس پارٹی ضلع امبیڈکر نگر کے اسمبلی حلقہ ٹانڈہ میں صوبائی جنرل سیکریٹری مولانا ظہور احمد خان رضوی کے سرپرستی میں سیکٹر اور بوتھ سطح پر میٹنگ کا سلسلہ جاری ہے صوبائی جنرل سیکرٹری مولانا ظہور احمد رضوی نے کہا کہ پارٹی نے اپنی کارکردگی سے لوگوں کا دل جیت لیا ہے انہوں نے دعویٰ کیا کہ وہ بڑی تعداد میں لوگوں کو پارٹی میں شامل کرارہے ہیں انہوں نے کہا کہ ان شاءاللہ جلد ہی یہاں نوجوانوں کی ایک بڑی تعداد پیس پارٹی میں نظر آۓ گی فی الحال ہماری میٹنگ میں دانشوروں اور بااثر لوگوں کی شمولیت اس بات کی دلیل ہے کہ پیس پارٹی کے مشن سے باشعور طبقہ کافی متاثر ہے، عوام کی خدمت اور ان کے درمیان پارٹی کی موجودہ کارکردگی آئندہ ریاستی انتخابات میں شاندار مظاہرہ کی بنیاد ثابت ہوگی-
