جامعہ غوث محی الدین میں ختم قادریہ و لنگر غوثیہ کا اہتمام

مورخہ 13 جنوری بروز دوشنبہ 2025 کو جامعہ غوث محی الدین میں 171ویں گیارہویں شریف ، محفل نوری، حلقہ ذکر، ختم قادریہ و لنگر غوثیہ کا اہتمام کیا گیا تھا ۔
جس کی سرپرستی سربراہ اعلی خلیفہ حضور سہیہل ملت علامہ حافظ و قاری مفتی غلام محی الدین نوری واحدی، صدارت محبوب سہیل ملت مولانا صلاح الدین تحسینی، اور تلاوت قاری شاداب رضا واحدی نے کی۔
بعدہ معزز مہمان خلیفہ طاہر ملت خطیب ہردلعزیز علامہ محمد اسرار فیضی واحدی صاحب قبلہ ناظم اعلی جامعہ امام اعظم ابوحنیفہ نسواں عربی کالج علی پور بازار ضلع گونڈہ نے علم، علماء، طلباء کی اہمیت فضیلت مناقب حضور غوث اعظم رض اللہ عنہ، اور حضور طاہر ملت کی حیات وخدمات، و صاحب سجادہ حضور سہیل ملت کی اخلاق و محبت پر جامع اور مفصل گفتگو فرمائی، بعدہ حلقہ ذکر، کی نشست ہوئی۔اس کے بعد صلوۃ و سلام کے محفل کا اختتام ہوا۔ پھر باہر سے آئے ہوئے حضرات کے لئے لنگر غوثیہ تقسیم کی گئی۔ اس موقع پر خلیفہ حضور قائد ملت علامہ مولانا ابراہیم صاحب قبلہ بھی موجود تھے۔