جشنِ تکمیل قرآن کریم میں علماء کا خطاب
کانپور مدرسہ عربیہ رزاقیہ مدینت العلوم بانس منڈی میں منعقد پروگرام قرآن کو دیکھنا ثواب قرآن کو چھونا ثواب قرآن کو پڑھنا ثواب قرآن وہ بےمثال کتاب ہے جسکی کوئی مثال نہیں اے بندے اگر تو خوشحالی چاہتا ہے تو قرآن سے محبت کر اگر مرض سے شفاء چاہتا ہے تو قرآن کی تلاوت کر اگر تم قرآن کو آنکھو سے دیکھوگے تو الفاظ نظر آئینگے دماغ سے دیکھو گے تو علم نظر آئیگا دل سے دیکھو گے تو محبت نظر آئیگی اور اگر اپنی روح سے دیکھو گے تو تمہیں خدا نظر آئے گا یہ قیمتی بات جشنِ تکمیل قرآن کریم و آمین شریف کے موقع پر حضرت علامہ مولانا مفتی محمد ثاقب ادیب مصباحی قاضی شہر کانپور نے کہی اُنہونے اپنے خطاب میں مزید فرمایا عبادت ضرور کرو مگر معا ملات پر خاص توجہ دو کعبہ کے چکر لگانے سے لوگوں کو دیئے چکر معاف نہیں ہوتے یا اللہ ہمیں توبہ کے وقت ایسا رونا عطا فرما جو دل کی گہرائیوں سے نکلے اور اس طرح نکلے کہ تجھے ہم پر ترس آجائے اور تو ہمیں معاف فرما دے۔
تقریب کا آغاز قاری شمس الدین کی دلکش تلاوت قرآن پاک سے ہوا اسکے بعد بارگاہِ رسالت مآب میں نعت شریف کا نذرانہ حافظ محمد شاہزیب حافظ وسید عالم محمد احمد نے پیش کیا
جلسے کی صدارت قاری صغیر عالم حبیبی نائب قاضی شہر نے کی جبکہ سرپرستی حضرت حافظ و قاری عبدالرحیم نے کی۔
اس موقع پر معزز مہمانوں میں مولانا فیروز احمد حافظ محمد خورشید حاجی آصف رئیس حاجی عتیق احمد پرویز عالم گڈو محمد کیف حاجی محمد نسیم حاجی محمد طاہر حاجی محمود عالم اور دیگر کثیر تعداد میں افراد موجود رہے۔
