جامع مسجد فتحپور میں تراویح میں قرآن کریم مکمل
بارہ بنکی (ابوشحمہ انصاری) رمضان المبارک کا مقدس مہینہ اپنی تمام تر فضیلتوں اور برکتوں کے ساتھ ایک بار پھر ہم پر سایہ فگن ہے جس میں فرض عبادات کا ستر اور نفل کا ثواب فرض کے برابر ملتا ہے. مذکورہ خیالات کا اظہار جامع مسجد فتحپور ضلع بارہ بنکی میں حافظ اُسامہ کی زیر اقتداء تراویح کے پہلے دور میں قرآن کریم مکمل ہونے پر منعقد تقریب میں مولانا محمد صابر قاسمی نے کیا.
حاضرین کو خطاب کرتے ہوئے انہوں نے مزید کہا کہ اللہ ربّ العزت نے اس ماہ کو بڑی عظمت بخشی، توریت زبور انجیل اور قرآن پاک کو لوح محفوظ سے آسمانِ دنیا پر اسی ماہ میں نازل فرمایا اسی خصوصیت کے پیش نظر حضور اقدس صلی اللہ علیہ وسلم اس ماہ میں قرآن پاک کا دور کرتے اور آخری سال دومرتبہ کیا اس ماہ میں بہت ساری عبادتیں اکٹھی ہوگئیں جو غیر رمضان میں نہیں حاصل ہو سکتیں جبکہ اس ماہ میں فرض عبادات کاثواب ستر گنا اور نوافل کا فرض کے برابر ملتا ہے.
اب اس ماہ کی عبادات میں روزہ قیام اللیل یعنی تراویح اور قرآن پاک کی تلاوت اعتکاف شب قدر یہ سب غیر رمضان میں ہمیں کہاں حاصل ہو سکتی اور نہ وہ ثواب مل سکتا ہے یہ صرف رمضان المبارک کی خصوصیات ہیں گویا کہ اس ماہ میں رحمت خداوندی بارش کی طرح نازل ہو رہی اب یہ ہماری طلب پرہے کہ ہم اس سے کتنا فائدہ اٹھاتے ہیں لہذا اس ماہ مبارک کی نعمت کی قدر کرتے ہوۓ مذکورہ عبادتوں کا اہتمام کریں_
اس موقع پر جامع مسجد کے نائب متولی حاجی فضیل احمد صدیقی، حافظ عبداللہ، ماسٹر شہاب الدین، قاری مجیب فتحپوری، مولانا عبد الھادی، شاکر بحلیمی، اسرار ادریس، محمد سمیع ٹیلر، محمد طارق ادریس، فرقان قریشی، محمد جاوید ٹھیکیدار، عبد الولی، رحمان قریشی، محمد شاہد صدیقی وغیرہ موجود رہے۔
