جمعیت علماء کی وقف بیداری مہم سے علماء کا خطاب
بارہ بنکی (ابوشحمہ انصاری) راہ خداوندی میں صدقہ اور وقف کرنے کی روایت قدیم زمانہ سے قائم ہے بلکہ اسلام میں وقف کے عمل کو عبادت کادرجہ حاصل ہے ،ہر قیمت پر وقف جائیدادوں کاتحفظ ملی فریضہ ہے جامعہ دارالرشاد بنکی کے ناظم تعلیمات مولانا سید اظہر قاسمی نے مدرسہ معین الاسلام سونڈھیامئو میں وقف بیداری مہم میٹنگ کوخطاب کرتے ھوئے مذکورہ خیالات کا اظہار کیا۔
انہوں نے کہا کہ اوقاف ہماری جاگیر نہیں بلکہ اللہ تعالیٰ کی امانت ہےجس کی حفاظت ہر مسلمان کی ذ مہ داری ہے۔انہوں نے کہا کہ جمیعت علماء کے کارکنان اوقاف املاک کی حفاظت کے لیے ہر ممکن اقدام کریں گے۔میٹنگوں سے خطاب کرتے ہوئے ضلع جنرل سکریٹری مولانا محمد جمال قاسمی نے کہا کہ جمیعت علماء ہند ہمیشہ ملک و ملت کی فلاح و بہبود کے لیے سرگرم رہی ہے اور جب بھی قوم کو کسی مشکل کا سامنا ہوا ہے جمیعت کے کارکنان ہمیشہ عوام کے ساتھ کھڑے نظر آتے ہیں۔
واضح رہے کہ جمیعت علماء ھند کے قومی صدر مولانا سید محمود اسعد مدنی کی ھدایت پرجمعیت علماء ضلع بارہ بنکی کے زیراھتمام جامعہ دارالرشاد کے مہتمم مولانا سید عبدالحمید قاسمی نائب صدرضلع جمعیت
کی سرپرستی اورجنرل سیکریٹری ضلع جمعیت مولانامحمدجمال قاسمی کی سربراہی میں ایک وفد نےضلع کے مختلف مقامات کادورہ کیا پہلی میٹنگ قصبہ سونڈھیامئو میں مولانا محمد اصغر ندوی پرنسپل مدرسہ اور مولانا ضیاء الحق قاسمی کی کوششوں سے منعقد ھوئی،تقریبا بیس گاؤں کے متولی وذمہ داران مساجد شریک ھوئے۔
جمعیت علماء بارہ بنکی کے لیگل ایڈوائزرایڈوکیٹ احمد سعید فتحپوری نے امیدپورٹل پروقف جائیدادوں کے اندراج کاطریقہ تفصیل سے بیان کیا اور حاضرین کے سوالوں کاجواب دیا۔ احمد سعید حرف نے ایک سوال کے جواب میں بتایا کہ وقف نمبر، زمین کا رقبہ، چو ہدّی اور بلڈنگ یا جگہ کی تصویر اوردفعہ 37 کےساتھ آن لائن رجسٹریشن مکمل کر سکتے ہیں۔آ خیر میں حاجی زبیر احمد مینیجر مدرسہ نے وفد کا شکریہ اداکیا۔
دوسری بیداری میٹنگ مولاناعبداللطيف قاسمی امام عیدگاہ کی صدارت میں مرکز مسجد صورت گنج میں منعقد ھوئی مفتی عزیر قاسمی،ماسٹرصغيراحمد ،مولانا نسیم، مولانا ظفیر قاسمی،قاری اشتیاق اور مختلف گاؤں سے آنے والے ذمہ داران مساجد کو جمعیت کے قانونی مشیرنے بالتفصیل ضروری نکات سے آگاہ کیا۔وقف بیداری مہم کا تیسرا جلسہ قاری نثار احمد ناظم تعلیمات مدرسہ معین الاسلام بلہرہ کےزیرصدارت بھٹوا مئو کی جامع مسجد میں مولانا توفیق ندوی مہتمم مدرسہ قمرالعلوم رمضانیہ اور ایڈوکیٹ خورشید احمد کی جدوجہد سے منعقد ھوا ۔
بلہرہ ،بھٹوا مئو، کسرئی واطراف کےتقریبا پندرہ مواضعات کے ذمہ داران مساجد کی موجودگی میں مولانا جمال قاسمی اور لیگل ایڈوائزر ایڈوکیٹ احمد سعید نے یہاں بھی ضروری امور سے آگاہ کیا اور وقف جائیداد کے تعلق سے سوالوں کاتشفی بخش جواب دیا۔اخیر میں خصوصی نشست قصبہ کرسی میں مولانا اظہار قاسمی کے ساتھ اور جبری مدرسہ میں قاری سہیل احمد جامعی کے ساتھ منعقد ھوئی اور اطراف کے گاؤں میں وقف بیداری مہم تیز کرنے کی اپیل کی گئی اس موقع پر قاری محمد احمد، اور مولانا مسعود احمد قاسمی سفرمیں موجودرہے۔
