جمیعت علماء مدارس و مکاتب کے تعلیمی نظام کو اور بہتر بنانے کے لئے کوشاں
بارہ بنکی(ابوشحمہ انصاری) جمعیتہ علماء کے مرکزی وفد کا دورہ تعلیمی نظام کو مضبوط بنانے کے لئے تحصیل فتحپور پہونچا۔ جہاں اسنے جمیعت علماء کے ایک مشاورتی اجلاس میں شرکت کی۔ مشاورتی اجلاس میں حاضر آئمہ، ذمہ داران مدارس و مکاتب سے خطاب کرتے ہوئے مفتی ابوبکر صدیق منصور پوری نے کہا کہ ہر مسلمان پر لازم ہے کہ وہ اپنی نسل کی صحیح دینی تعلیم و تربیت کا اہتمام کرے اور انہیں دین کی بنیادی باتیں سکھائے۔ انہوں نے حضرت یعقوب علیہ السلام کے واقعہ کا حوالہ دیتے ہوئے کہا کہ انبیاء علیہم السلام کی تعلیمات ہمیں یہ پیغام دیتی ہیں کہ ہم اپنی اولاد کے ایمان اور کردار کی فکر کریں۔ انجمن مسلم آنہ فنڈ فتحپور کے کیمپس میں بعد نماز عشاء منعقد ہونے والے اس مشاورتی اجلاس کی صدارت جمیعت علماء کی تحصیل فتحپور یونٹ کےصدر مولا نا محمد صابر قاسمی نے کی جبکہ نظامت کے فرائض بارہ بنکی یونٹ کے جنرل سیکرٹری مولا نا محمد جمال قاسمی نے انجام دیے۔ اجلاس کا آغاز قاری ذکی اللہ حسینی کی تلاوت قرآن پاک سے ہوا اور نعت رسول ایڈووکیٹ احمد سعید حرف سکریٹری جمعیۃ علماء یونٹ تحصیل فتحپور نے پیش کی۔
دینی تعلیمی بورڈ جمعیتہ علماء ہند کے تحت ائمہ مساجد، علماء کرام اور ذمہ داران مساجد کا یہ اہم مشاورتی اجلاس علاقے کی نئ نسل اور نو جوانوں کو دینی تعلیم سے جوڑنے اور انہیں غلط راہ روی سے محفوظ رکھنے کے لیے پہلا قدم ہے جس سے تعلیمی نظام کو مضبوط بنانے کا عزم کیا گیا۔ اس موقع پر مولانا محمد جمال قاسمی نے اپنے خطاب میں کہا کہ جمعیۃ علماء ہند نے آزادی سے قبل ہی مکاتب کے نظام کی بنیاد رکھی تھی ، اور موجودہ صدر جمعیۃ علماء ہند مولانامحمود اسعد مدنی کی ہدایت پر پورے ملک میں منظم انداز سے مکاتب کا جامع نظام نافذ کیا جا رہا ہے۔ انہوں نے کہا کہ بچوں کو اخلاقی و سماجی برائیوں سے محفوظ رکھنے کے لیے مكاتب وقت کی اہم ترین ضرورت ہیں ۔ دینی تعلیمی بورڈ کے ناظم مولانا محمد شعیب قاسمی نے کہا کہ اگر چہ مکاتب ما شاء اللہ پہلے سے قائم ہیں، تاہم بچوں کو ان سے مکمل فائدہ پہنچانے کے لیے ضروری ہے کہ ان کو منظم اور منصوبہ بند انداز میں چلا یا جائے، جس کے لیے ذمہ داران کو سنجیدگی سے غور کرنا ہوگا۔
مولانا محمد حاطب نے اپنے خیالات کا اظہار کر تے ہوئے کہا کہ اپنے بچوں کے ایمان کے تحفظ کے لئے ہمیں مساجد میں مکاتب کا قیام کرنا ہوگا اور انہیں دینی تعلیم سے آراستہ بھی کرنا ہوگا_ اجلاس کا اختتام مفتی ابو بکر صدیق منصور پوری کی دعا پر ہوا _ اس موقع پر مولانا اصغر علی ندوی، مفتی شمساد علی قاسمی ، مفتی محمد عمیر قاسمی، مولانا محمد آمین مظاہری، مولانا محمد ارقم رشیدی، مولانا عطاء الرحمن ندوی، مولانا فخرالدین حقی، مولانا محمد آفاق ندوی، مولانا فیض عالم ندوی، قاری محمد غفران، حافظ محمد اکرم، حافظ محمد کلیم قریشی، حاجی شیخ مطیع اللہ، حاجی اعجاز احمد انصاری، اعظم علی، حاجی محمد رئیس قریشی، محمد نفیس، منیر حیدر، محمد سہیل خان، محمد عقیق پپو، محمد شفیق، محمد عاقل راجا، ابراہیم، ریحان قریشی، محمد طاہر راعین وغیرہ کثیر تعداد میں حاضر رہے۔
