رپورٹر: آصف جمیل امجدی
مدرسہ اہل سنت عزیز العلوم دیپال پور میں 27 جنوری بروز پیر سے سالانہ امتحانات کا آغاز ہو چکا ہے۔ یہ امتحانات مدرسہ کے تعلیمی سال کا ایک اہم حصہ ہیں۔ جن میں طلبہ کی تعلیمی قابلیت اور دینی مہارت کا جائزہ لیا جاتا ہے۔
امتحانات کے پہلے دن پرنسپل ناصر رضا رضوی نے خصوصی خطاب کیا۔ انہوں نے طلبہ کو نصیحت کی کہ امتحانات کو محض آزمائش نہ سمجھیں۔ بلکہ اپنی علمی و دینی ترقی کا زینہ بنائیں۔ انہوں نے طلبہ کو وقت کی پابندی، محنت اور دیانت داری کے ساتھ امتحانات میں حصہ لینے کی تلقین کی۔
مدرسہ کے تمام اساتذہ اور عملہ امتحانات کے کامیاب انعقاد کے لیے بھرپور کوشش کر رہے ہیں۔ ہر امتحانی ہال میں نظم و ضبط کا خاص خیال رکھا گیا ہے۔ تاکہ طلبہ یکسوئی کے ساتھ اپنے پرچے حل کر سکیں۔
مدرسہ اہل سنت عزیز العلوم دیپال پور کی یہ روایت رہی ہے کہ وہ اپنے طلبہ کو نہ صرف دینی تعلیم بلکہ عملی زندگی کے لیے بھی تیار کرتا ہے۔ اور یہ سالانہ امتحانات اس کا بہترین مظہر ہیں۔ توقع کی جا رہی ہے کہ طلبہ ان امتحانات میں اپنی بہترین کارکردگی پیش کریں گے اور مدرسہ کی روایات کو برقرار رکھیں گے۔
