کانپور، 28 نومبر 2024: مدرسہ مظہر العلوم، مسجد نکٹو شاہ میں آج ایک شاندار تقریب کے دوران طلبہ کے درمیان قرأت اور نعت کے مقابلے کا انعقاد کیا گیا۔ اس موقع پر طلبہ نے اپنی دینی و علمی صلاحیتوں کا بھرپور مظاہرہ کیا، اور حاضرین سے داد و تحسین وصول کی۔
قرأت کے مقابلے میں محمد زید نفیس نے بہترین کارکردگی کا مظاہرہ کرتے ہوئے اول پوزیشن حاصل کی، محمد فوزان دوسری پوزیشن پر رہے، جبکہ تیسری پوزیشن محمد شعبان کے حصے میں آئی۔ نعت کے مقابلے میں احمد عبادہ نے اپنی خوبصورت آواز اور دلنشین انداز کے ساتھ اول پوزیشن حاصل کی، محمد بختیار نے دوسری پوزیشن لی، اور محمد فیصل نے تیسری پوزیشن حاصل کی۔
پروگرام میں حکم مستحکم کے فرائض جامعہ محمودیہ اشرف آباد کے ناظم تعلیمات مفتی محمد عثمان نے انجام دیے۔ انہوں نے طلبہ کی تیاری اور ان کے جذبے کو خوب سراہا اور کہا کہ اس قسم کے پروگرام میں نمبرات پر نہ جائیں زندگی کے میدان میں قدم رکھیں نیز کہا کہ اس قسم کے پروگرام سے طلبہ میں خوداعتمادی پیدا کرنے کے ساتھ ان کی علمی صلاحیتوں کو جلا بخشتے ہیں۔ پھر حضرت حجم مستحکم کی دعا پر ہی نشست کا اختتام ہوا
مدرسہ کے دیگر اساتذہ مفتی اقبال، مولانا ابوبکر، مولانا عزیز الحسن، مفتی سعد نور، مولانا شمیم، مولانا صادق، مولانا اکرم الٰہی، مولانا امیر حمزہ، حافظ معمور، قاری محی الدین، قاری حمید الحی، اور حافظ اسلم نے بھی پروگرام میں شرکت کی اور طلبہ کی حوصلہ افزائی کی۔
یہ تقریب طلبہ کی علمی، دینی اور فکری تربیت کے لیے ایک اہم قدم ثابت ہوئی اور شرکاء کو ایک یادگار تجربہ فراہم کیا۔
