بلوہا سدھارتھ نگر: (احمد وسیم) ہر سال کی طرح امسال بھی معراج مصطفےٰ کے مقدس اور حسین موقع پر دارالعلوم اہل سنت غوثیہ نظام العلوم بلوہا بازار کے اہل ذوق اور ہونہار طلباء نے مکمل قرآن مقدس بشکل شبینہ سنایا۔
عام طور پر نعتیہ کلال اور تقاریر پر اختتام ہونے والی شب معراج کی تقریبات میں اس بار دارالعلوم اہل سنت غوثیہ نظام العلوم کے طلباء نے ایک نئی تاریخ رقم کرنے کا کام کیا ہے۔ روایتی طور طریقوں سے الگ ہٹ کر قرآن مقدس کی بالحدر تلاوت شب معراج کے موقع پر دل کو چھو جانی والی تھی۔ ایسا پہلی بار ہے جب کسی دارالعلوم کے طلبہ نے معراج مصطفےٰ کے موقع پر پوری رات تلاوت قرآن پاک میں گزاری ہو۔
قرآن پاک کے اس شبینہ پروگرام میں دارالعلوم کے ہر درسگاہ سے بچوں نے حصہ لیا۔ ادارے کے تین الگ الگ منزلوں پر دس۔ دس پارے بچوں نے بشکل شبینہ قرآن مقدس کو سنایا۔ جو اپنے آپ میں ایک حیرت انگیز اور قابل تعریف عمل ہے۔
آخر میں دارالعلوم کے سربراہ اعلیٰ مولانا محمد ریحان رضا نظامی نے طلباء کی اس شانداری کامیابی پر انہیں مبارکباد دی۔ بطور شبینہ قرآن مقدس کو سنانے اور سننے والوں کی زبردست حوصلہ افزائی کی گئی۔ دارالعلوم کے طلبہ کو خوبصورت نصیحت اور دعاؤں سے نوازتے ہوئے پروگرام کا اختتام ہوا۔ اس موقع پر دارالعلوم کے اساتذہ طلباء اور قرب وجوار کے مسلمانان موجود رہے۔
الله رب العزت کی بارگاہ میں دعا ہے مولیٰ تعالیٰ دارالعلوم کو اور دارالعلوم کے طلبہ کو دن دوگنی رات چوگنی ترقی عطا فرمائے، اور حاسدین کے حسد محفوظ فرماۓ۔۔
[…] بھی وقت ہے لوگوں کو چاہئے کہ قرآن کریم کو پڑھنے اور اسے سمجھنے […]