کانپور/محمد عثمان قریشی/ چھ رمضان المبارک کو مدرسہ عربیہ رزاقیہ مدینۃ العلوم پانی کی ٹنکی بانس منڈی میں حافظ نعمت اللہ نے نماز تراویح میں قرآن پاک کا پہلا دور مکمل کیا.
اس موقع پر مدرسہ کے ناظم اعلیٰ حافظ و قاری عبد الرحیم بہرائچی نے کہا کہ احادیث مبارکہ سے معلوم ہوتا ہے کہ روزہ صرف کھانے پینے اور خواہشات نفس سے رکنے کا نام نہیں بلکہ سارے اعضاء و جوارح کا روزہ ہوتا ہے.
زبان سب و شتم اور فحشی کلامی سے پاک ہو، کسی سے گالی گلوج نہ کریں، نفرت و حقارت کا اظہار نہ کریں کسی کو زبان سے اذیت اور تکلیف نہ پہنچائیں، کسی کے احساسات کو جذبات کو مجروح نہ کریں ۔
آنکھ سے بری چیزوں کو نہ دیکھیں ، کان سے بری باتوں کو نہ سنیں ، ہاتھ سے کسی پر ظلم نہ کریں، پیر غلط راہوں پر نہ چلیں، منھ سے حرام مال نہ کھائیں، اگر انسان کا نفس ہر طرح کے شرو فساد میں مبتلا ہو اس کی ذات سے سماج معاشرے میں انسان تنگ ہوں تو گویا روزہ اپنے ثمرات نہیں دکھا رہا ہے۔
اس حدیث سے یہ بات معلوم ہوتی ہے کہ رمضان لوگوں کی زندگی میں انقلاب برپا کرنے کیلئے آتا ہے۔ انہیں حیات تو عطا کرنے کیلئے آتا ہے لیکن حقیقت میں یہ تبدیلی انہیں لوگوں کی زندگی میں آتی ہے جو شعوری طور پر پورے ایمان اور اخلاص کے ساتھ اسے انجام دیتے ہیں اور روزہ کا احترام کرتے ہیں۔
نماز تراویح میں قرآن پاک کا پہلا دور مکمل کی خوشی میں منعقد پروگرام میں حافظ محمد علی حافظ محمد ریحان محمد سلیم محمد وسید نے نعت شریف کا نذرانہ پیش کیا۔
اس موقع پر مولانا فیروز احمد حاجی نسیم انصاری حاجی آصف رئیس حاجی شاہد حسین محمد اسلم محمد کیف صابر علی فروز احمد محمد صالم آفتاب عالم وغیرہ خاص طور سے موجود رہے۔
