والدین، اساتذہ اور بچوں میں خوشی کا ماحول
اٹوا، سدھارتھ نگر: پانچ سال کی عمر میں قرآن مجید کا ناظرہ شروع کرکے عجلان ولد اسرار احمد نے ایک بڑا کارنامہ انجام دیا ہے، عام طور پر جس عمر میں بچے اسکول یا مدرسہ جانے کی شروعات کرتے ہیں، اس عمر عجلان نے قرآن پاک ناظرہ شروع کرکے پورے علاقے میں نئی شہرت حاصل کی ہے۔
عجلان مدرسہ فیضان مصطفیٰ بلوا اٹوا ضلع سدھارتھ نگر میں زیرتعلیم ہیں، اترپردیش کا یہ مدرسہ اٹوا تحصیل میں واقع ہے جہاں پر دینی تعلیم کے ساتھ ساتھ بچے اور بچیوں کو عصری تعلیم وتربیت سے بھی آراستہ کیا جارہا ہے۔
اس مدرسے کی خاص بات یہ ہے کہ یہاں ہندوستان کے آیئن کی جانکاری کے ساتھ ملکی اور صوبائی حکومتوں کے اعلانات اور کارکردگی سے بھی طلبہ کو روشناس کرایاجاتا ہے، قرابت داری پڑوسیوں سے حسن سلوک ، معاملات میں ایمان داری جھوٹ اور مکاری سے پرہیز،طلبہ کو ہر اعتبار سے ایک اچھا انسان بنانے کی پوری کوشش کی جارہی ہے۔
فی الحال قرب و جوار میں پانچ سال سے کم عجلان کی عمدہ کارکردگی چرچہ کا موضوع بنا ہوا ہے، والدین کے ساتھ مدرسے کے اساتذہ کو ہر چہار طرف سے مبارکبادیا مل رہی ہیں
