کانپور: (محمد عثمان قریشی) آج لاجپت بھون آڈیٹوریم، موتی جھیل میں آکین چلڈرن پبلک اسکول کی سالانہ تقریب بڑی دھوم دھام سے منائی گئی ۔ پروگرام کا آغاز دیپ جلا کر کیا گیا۔
اس کے بعد بچوں نے مختلف ثقافتی پروگرام پیش کئے۔ اولڈ ایج ہوم، روبوٹکس اور خواتین کی طاقت پر بچوں کی پیشکش نے سب کو مسحور کردیا۔ پروگرام میں موجود مہمانوں نے اپنے خطاب میں اسکول کی تعلیمی اور دیگر سماجی سرگرمیوں کو سراہا۔ انہوں نے کہا کہ آ کین چلڈرن پبلک اسکول علاقے کا بہترین اسکول ہے اور یہ بچوں کے اندر موجود ٹیلنٹ کو پروان چڑھانے کے لئے مسلسل کوششیں کر رہا ہے۔
انہوں نے اسکول کے اساتذہ اور انتظامی کمیٹی کو مبارکباد دی ۔ ان کا مزید کہنا تھا کہ بچوں کو معیاری تعلیم کے ساتھ اقدار بھی دینا ضروری ہے۔ انہوں نے اس سمت میں کی جانے والی کوششوں پر اکین چلڈرن پبلک اسکول کا شکریہ ادا کیا۔ مہمانوں میں دیپک سکسینہ، منیجر جی آئی سی انٹر کالج اور سوریہ کمار یادو، اسسٹنٹ کمشنر انڈسٹریز موجود تھے. انہوں نے بھی پروگرام کو سراہا۔ اسکول کے منتظمین جناب انیس علی، جناب ابرار علی اور جناب اسرار علی نے کہا کہ اسکول کا مقصد بچوں کو ایک اچھا انسان بنانا ہے۔ انہوں نے کہا کہ اسکول بچوں کو تعلیم کے ساتھ ساتھ کھیلوں اور مقابلوں میں حصہ لینے کی ترغیب دیتا ہے۔
پرنسپل مسز شروتی کھتری نے اسکول کی سالانہ رپورٹ پیش کی۔ انہوں نے کہا کہ اسکول نے گزشتہ سال میں بہت سی کامیابیاں حاصل کی ہیں۔ انہوں نے کہا کہ اسکول مستقبل میں بھی بچوں کی ترقی کے لئے ہر ممکن کوشش کرے گا۔
آکین چلڈرن پبلک اسکول کے اساتذہ کے کے یادو، حنا پروین، سیما سونکر، ساریکا گپتا، عادل، ترون، فرحین حمیرا، جیوتی سریواستو، عفیفہ، نبا، خوشی گپتا، رومی رائے، آ شولیکھا تیواری، ثناء، صفیہ، اقرا مریم، ارچنا شکلا، خدیجہ، ایمن ویشاکھا اور طلباء طالبات اور ان کے والدین کی بڑی تعداد پروگرام میں موجود تھی۔
