کانپور: آج مسجد رئیس باغ تلک نگر میں جاری دینی معلومات ونٹر کیمپ کے دوسرے دن پہلے دن پانچ سورتوں کی مشق اور دوسرے دن انہی پانچ سورتوں کی تفسیر بیان کی گئی اور آج کے مقررین میں مفتی عبد الحسیب قاسمی نے بچوں کو والدین کی ذمہ داریوں کے متعلق چھوٹی چھوٹی باتیں بتائی اور ان کو نوٹ کرائیں اور ان کو 14 حقوق بھی بتائے،
مولانا امیر حمزہ قاسمی نے عقیدہ توحید اور عقیدہ آخرت کے متعلق بنیادی ضروری باتوں کو بچوں کو یاد کرایا ، اور برجستہ سوالات کے جواب دینے پر ہر موضوع کے بعد بچوں کو دونوں دن انعامات دیئے گئے، مفتی سعد نور قاسمی نے اپنے موضوع نماز کی اہمیت و فضیلت کے بعد بچوں کی نماز کی عملی مشق کروائی اور ضروری چیزوں کو بتایا، محمد انیس خاں قاسمی کی دعاء پر اختتام ہوا اور ونٹر کیمپ کے ذمہ دار محمد سعد خاں ندوی نے سب کا شکریہ ادا کیا دو دنوں میں 70 بچوں نے شرکت کی آخری نشست میں شہر کانپور کے معززین موجود رہے ۔
