مولانا کمال احمد علیمی نظامی شعیب الاولیا ایوارڈ سے سرفراز

سدھارتھ نگر : 12دسمبر2024 کو دوسرے سالانہ عرسِ حضور چشتی میاں علیہ الرحمہ کے پرمسرت موقع پر خانقاہ چشتیہ یار علویہ براوں شریف کی جانب سے حضرت مولانا کمال احمد علیمی نظامی کو شعیب الاولیا ایوارڈ اور سپاس نامے سے نوازا گیا۔ یہ اعزاز آپ کی علمی خدمات، اصلاحِ امت کے لیے کوششوں اور خانقاہی نظام کی ترویج میں نمایاں کردار کے اعتراف میں دیا گیا۔
مولانا نظامی کی علمی شخصیت ایسی ہے، جنہوں نے دینِ متین کی خدمت کو اپنا مقصدِ حیات بنایا۔ آپ کی جدوجہد نہ صرف علما و طلبہ کے لیے مشعلِ راہ ہے بلکہ امتِ مسلمہ کے لیے بھی باعثِ فخر ہے۔ آپ کی خدمات کو اس اعزاز کے ذریعے سراہا جانا یقینی طور پر آپ کے ماننے والوں اور عقیدت مندوں کے لیے خوشی اور مسرت کا باعث ہے۔
مولانا نظامی کی بہترین کارکردگی کو سراہتے ہوئے مولانا آصف جمیل امجدی نے ان کے لئے نیک خواہشات کا اظہار کیااور حضرت کو اس عظیم اعزاز پر دل کی گہرائیوں سے مبارکباد پیش کی۔