پیس پارٹی کارکنان نے 2027 اسمبلی انتخابات کی تیاریاں شروع کیں

سنت کبیر نگر: پیس پارٹی کارکنان نے ابھی سے سال 2027 کے آنے والے چناؤ کی تیاریاں کردی ہے پارٹی نے ریاست میں مضبوطی سے انتخابات میں حصہ لینے کے منصوبے کےتحت اپنے کارکنان ریاست کی کئی اسمبلی سیٹوں پر ابھی تعینات کردیا ہےجس کے تحت کارکنان پارٹی کے مشن کو لوگوں تک پہونچا رہے ہیں، پارٹی کے عزائم اور منصبوں سے عوام کو روشناس کرانے کی خاطر درودیوار پر پیس پارٹی سلوگن لکھوایا جارہا ہے، ضلع سنت کبیر نگر کے اسمبلی حلقہ مہنداول اور حلقہ اسمبلی خلیل آباد ضلع امبیڈکر نگر کے اسمبلی حلقہ ٹانڈہ اور کئی دیگر اضلاع کے مختلف اسمبلی سیٹوں پر پارٹی عہدیداروں نے ممبر سازی کا کام شروع کردیا ہے اور لوگوں کو ذمہ داریاں سونپی جارہی ہیں، اس درمیان پارٹی کی کارگردگی کے بارے میں عوام کو آگاہ کرنا اور سپا بسپا اور کانگریس بھاجپا کے کرنی اور کتھنی کے بارے میں اپنے لوگوں کو آگاہ کرنا کارکنان کی اولین ترجیحات میں شامل رہیں پیس پارٹی ترجمان مولانا عبدالرلحمان نوری نے کہا کہ اگر انصاف چاہئے تو سپا بسپا کانگریس بھاجپا اور دیگر پارٹیوں کے بہکاوے میں نہ آکر اپنی قیادت پیس پارٹی کو ووٹ دو آپ کو کسی سے انصاف مانگنے کی ضرورت نہیں پڑے گی انہوں نے کہا کہ جن قوموں کا اقتدار میں حصہ نہیں ہوتا وہ قوم انصاف پانے کو محتاج ہوتی ہے مسلمانوں اور انتہائی پسماندہ طبقوں کے لوگوں کو پیس پارٹی سے جوڑنا ہے ہرفردکے دروازے پر جاکر ان کو جوڑا جائے گا پارٹی ممبر سازی کے لۓ پوری طاقت لگارہی ہے ان کا دعوی ہے کہ پارٹی اپنا کھویا ہوا وقار دوبارہ حاصل کرے گی