کانپور /محمد عثمان قریشی/ ماہ صیام ہیلپ لائن پر پوچھے گئے سوالات اور جوابات پہلا سوال تھا کہ اگر آنسو یا پسینہ منہ میں چلا جائے تو کیا روزہ ٹوٹ جائے گا؟
جواب:آنسو یا پسینہ کے قطرے دو قطرے اگر منہ میں چلے گۓ اور اس کو نگل گیا تو روزہ نہ ٹوٹا، ہاں! اگر اس کی مقدار قطرہ دو قطرہ سے زیادہ تھی جس سے اس کی نمکینیت پورے منہ میں محسوس ہوئی تو روزہ ٹوٹ گیا۔ یہی حکم پسینے کا ہے۔
سوال: میرے مرحوم والد کے کچھ روزے قضا تھے، کیا میں ان کی طرف سے فدیہ ادا کر سکتا ہوں؟
جواب: اگر میت کے روزے قضا رہ گئے تھے اور اس نے وصیت کی تھی اور مال چھوڑا تھا، تو اس کے ولی کو اس کی طرف سے فدیہ ادا کرنا واجب ہے۔ لیکن اگر وصیت نہ کی ہو یا مال نہ چھوڑا ہو، تو فدیہ دینا ضروری نہیں، البتہ اگر دے دیا جائے تو بہتر ہے۔
سوال: کیا روزے میں مسواک کر سکتے ہیں؟
جواب: بالکل، روزے میں مسواک کرنا جائز ہے، بلکہ یہ سنتِ نبوی ﷺ ہے۔ حضرت عامر بن ربیعہؓ فرماتے ہیں کہ انہوں نے نبی کریم ﷺ کو روزے کی حالت میں کئی بار مسواک کرتے دیکھا۔ (ابو داود، ترمذی)
سوال: کیا کسی چیز کو خریدتے وقت چکھنا جائز ہے؟
جواب: اگر کسی چیز کو خریدنے میں چکھنا ضروری ہو اور نہ چکھنے میں نقصان ہونا یقینی ہے، تو چکھنا جائز ہے، ورنہ مکروہ ہے۔
نوٹ: چکھنے کا مطلب یہ ہے کہ صرف زبان پر مزہ معلوم کرے اور فوراً تھوک دے، اس میں سے کوئی چیز حلق سے نیچے نہ جانے پاۓ۔ اگر حلق سے نیچے گئی تو روزہ فاسد ہو جاۓ گا۔
ماہِ صیام ہیلپ لائن میں مفتیاں کرام و علماء کے رابطہ جاتی اور واٹس اپ نمبرات
- مفتی محمد الیاس خاں نوری (مفتی اعظم کان پور) 9935366726
- مفتی محمد هاشم اشرفی 9415064822
- مفتی محمد مہتاب عالم مصباحی 9044890301
- مولانا فتح محمد قادری 9918332871
- مفتی محمد حسان اختر علیمی9161779931
- مولانا قاسم اشرفی مصباحی ( آفس انچارج ) 8052277015
- مولانا غلام حسن قادری 7897581967
- مفتی گل محمد جامعی اشرفی 8127135701
- مولانا سفیان مصباحی 9519904761
- حافظ محمد ارشد اشرفی 8896406786
- جناب اقبال احمد نوری 8795819161
