اٹوا سدھارتھ نگر: 10جنوری 2025 بروز جمعہ بعد نماز عصر جامعہ اتحاد ملت اٹوا بازار سدھارتھنگر یوپی کی جامع مسجد میں اراکین شوری حلقہ اٹوا کی ایک اہم میٹنگ منعقد ہوئی۔ جس کی ابتداء شیخ شمس الہدی جامعی کی تلاوت کلام اللہ کے ذریعہ ہوئی، بعدہ امیر جمعیت شیخ محمد ابراہیم مدنی نے توجیہی کلمات پیش کرتے ہوئے احباب جمعیت و جماعت نیز باہر سے تشریف لائے ہوئے مہمانان اور مشاہدین حضرات کا شکریہ ادا کیا اور جمیعت کے کام کو مزید مستحسن انداز میں کرنے کا مشورہ دیا۔
میٹنگ کے ایجنڈوں میں سے سب سے اہم ایجنڈا جدید انتخاب کا تھا جس کے لئے شیخ شاہد جنید مدنی، شیخ محبوب عالم عالیاوی اور شیخ برکت اللہ سراجی صاحبان پر مشتمل ایک انتخابی بینچ تشکیل دی گئی جس کی سربراہی اور ضلعی جمعیت اہل حدیث کی طرف سے بطور مشاہد تشریف لائے ہوئے شیخ عبد الستار سراجی اور شیخ عبد المنان مفتاحی صاحبان کی موجودگی میں انتخاب کرایا گیا۔
میٹنگ میں باتفاق رائے شیخ شریف اللہ سلفی صاحب کو سرپرست، شیخ محمد ابراہیم مدنی صاحب کو امیر، شیخ شاہد جنید مدنی اور شیخ عبدالعلیم اثری صاحبان کو نائب امیر، فخر الدین ریاضی کو ناظم اعلیٰ، شیخ عبدالرحمن سلفی، شیخ محمد نفیس صفاوی صاحبان کو نائب ناظم، شیخ برکت اللہ سراجی صاحب کو خزانچی اور شیخ شمس الہدی جامعی صاحب کو محاسب مقرر کیا گیا۔
اخیر میں امیر محترم کے دعائیہ کلمات (کفارہ مجلس کی دعا) پر میٹنگ کے اختتام کا اعلان کیا گیا۔
[…] ڈومریا گنج نے حضرت محمد صلی اللہ علیہ وسلم ہمارے لیے اسوہ اور نمونہ […]