علماء مشائخ اور اکابرین اہلسنت کے ہاتھوں سے 13 طلبہ دستار حفظ القرآن سے سرفراز کیےگیے۔
سدھارتھ نگر بلوہا بازار ( وسیم فیضی) سالہائے گذشتہ کی طرز پر امسال بھی دارالعلوم اہل سنت غوثیہ نظام العلوم میں سالانہ امام احمد رضا کانفرنس و سالانہ جشن دستار بندی کا اہتمام کیا گیا۔ قرب و جوار کے متعدد علماء کرام اور مختلف اضلاع سے اکابرین اہل سنت نے شرکت فرمائی۔ حسبِ معمول پروگرام کا افتتاح بعد نماز عشاء حافظ وقاری محمد نیاز نظامی کی تلاوتِ قرآن مقدس سے ہوا۔
دارالعلوم علیمیہ جمدا شاہی بستی سے تشریف لانے والے مفتی محمد کمال علیمی نے "علم اور علماء کی فضلیت” پر بہترین خطاب فرمایا۔ آصف رضا فیضی نے ترانۂ غوثیہ پیش کر سامعین سے خوب داد و تحسین حاصل کیا۔
دارالعلوم غوثیہ کے سربراہ اعلیٰ نے مختصر وقت میں جلسے میں شرکت کرنے والےتمام مہمانوں کا بالخصوص علماء کرام کا شکریہ ادا کیا، ساتھ ہی دارالعلوم کے مختصر تعارف اور مقاصد و اغراض سے لوگوں کو روشناس فرمایا۔
سربراہ اعلیٰ نے دوران بیان یہ اعلان کیا کہ ہر سال کی طرح امسال بھی دارالعلوم کے شعبہ تعمیر کے ذریعے انشاءاللہ علاقہ کے پانچ ایسے گاؤں میں جہاں مسجد و مدرسہ نہیں ہے انشاءاللہ جلد ہی وہاں تعمیری کام شروع کراکے آخیر سال تک پائہ تکمیل تک پہونچایا جائے گا۔
مولانا فاروق علیمی پرنسپل دارالعلوم علیمیہ نسواں جمدا شاہی نے اصلاح معاشرہ کے عنوان پر خطاب کیا۔ شعراء نے منظوم کلام پیش کرکے بارگاہ رسالت میں گلہائے عقیدت پیش لٹائے۔
سربراہ اعلیٰ کی دعوت پر ملک میں مسلمانوں کی اپنی آواز اور ایک انصاف پسند میڈیا ہاؤس کے قیام کے لئے جد جہد کررہے صحافی شفیق فیضی نے بھی امام احمد رضا کانفرنس میں شرکت کی۔ پروگرام سے قبل انہوں نے دارالعلوم غوثیہ میں سربراہ اعلیٰ کے کمرے میں متعدد علماء کرام سے نیوز جی 24 کے قیام اور اہداف اغراض پر گفتگو کی۔ وقت کی قلت کے باعث وہ زیادہ وقت نہیں دے سکے۔
واضح ہوکہ نیوز جی 24 امت کی ترجمانی کے لئے ایک آزاد اور انصاف پر پبنی ڈیجیٹل میڈیا ہاؤس کے طور پر قائم کیا گیا ہے۔ جس کی ترویج واشاعت کے لئے شفیق فیضی ریاست کے مخلتف اداروں اور خانقاہواں کا دورہ کر رہے ہیں۔
کانفرس کے اختتام پر اساتذہ و مشائخین کے مقدس ہاتھوں سے طلباء کرام کو دستار حفظ سے نوازا۔ آخر میں شہزادۂ حضور خطیب البراہین علامہ حبیب الرحمن، و شہزادۂ حضور بدر ملت مفتی رابع نورانی بدری صدیقی قاضی شرع سدھارتھ نگر، استاذ و مفتی دارالعلوم فیض الرسول براؤں شریف کے دعاؤں پر، پروگرام کا اختتام ہوا۔
