تنظیم کی جانب سے بارگاہِ غریب نواز میں چادر بھی روانہ کی جائیگی
کانپور(محمد عثمان قریشی) 27 دسمبر:شہنشاہ ہندوستان عطائے رسول ہند الولی حضرت خواجہ معین الدین چشتی سنجری اجمیری رضی اللہ عنہ کے 813 واں عرس مبارک پر اُن کی بارگاہ عالی وقار میں خراج عقیدت پیش کرنے کیلئے تنظیم بریلوی علمائے اہل سنت کے زیر اہتمام نواں سالانہ 6 روزہ اجلاس جشن غریب نواز شہر کے الگ الگ مقامات پر ہونگے اور تنظیم کی جانب سے بارگاہِ غریب نواز میں چادر شریف بھی روانہ کی جائیگی یہ اطلاع تنظیم کے صدر محافظ ناموس رِسالت حافظ و قاری سید محمد فیصل جعفری نے دی انھوں نے بتایا کہ جشن غریب نواز کا پہلا جلسہ 2 جنوری بروز جمعرات بوقت بعد نماز عشاء بمقام مدرسہ تعلیم القرآن اہل سنت مسجد 22 بلاک جوہی لال کالونی میں منعقد ہوگا تنظیم کے جنرل سکریٹری مفتی محمد کاظم رضا اویسی سرکار غریب نواز کی حیات و خدمات پر خطاب فرمائیں گے جلسہ کی صدارت تنظیم کے صدر قاری سید محمد فیصل جعفری اور قیادت حافظ شبّیر حسین برکاتی کریں گے لھٰذا جملہ غلامان غریب نواز سے پر خلوص اپیل ہے کہ جشن غریب نواز میں شرکت فرماکر ثواب دارین حاصل کریں!
