قومی ملی سیاسی شخصیات نے مبارکبادی پیش کی
کانپور ( محمد قمر انجم فیضی) متحرک فعال شخصیت ہمدرد قوم وملت حضرت حافظ محمد ارشد خان رضوی کو مسلم اسٹوڈنٹ آرگنائزیشن آف انڈیا یوپی کا نیا صدر منتخب کیا گیا ۔
ملک ہندوستان کی سب سے قدیم اور بڑی طلبہ تنظیم مسلم اسٹوڈنٹ آرگنائزیشن آف انڈیا اترپردیش کے جملہ ارکان بالخصوص جناب ڈاکٹر شجاعت قادری چیئرمین ایم ایس او آف انڈیا، جناب مدثر اشرفی قومی صدر ایم ایس او آف انڈیا ،مولانا ابو اشرف ذیشان نائب صدر اترپردیش، نے ابو یوسف نقشبندی (سابق صدر یوپی) کی جگہ پر حافظ ارشد خان فیروزآبادی کی قومی ملی مذہبی خدمات کی بنیاد پر ایم ایس او آف انڈیا کا نیا صدر نامزد کیا گیا ہے۔حافظ ارشد خان معتمد ادیب،بہترین ناظم، حسن اخلاق میں اعلی، تنظیمی صلاحیتوں سے مزین، ہیں،
اسی کی وجہ سے موقع پر مورخہ 25 مئی بروز 2025 کو کانپور میں ایک اہم میٹنگ منعقد کی گئی تھی، جس میں سبھی ارکان کے رائے و مشورے سے ایم ایس او آف انڈیا کا صدر منتخب کیا گیا ، ایم ایس او کے ارکان نے اس بات کی امید قوی جتائی ہے کہ ایم ایس او کے جملہ اغراض و مقاصد کو بروئے کار لاتے ہوئے حافظ ارشد خان ایم ایس او کو مزید اونچائیوں پر لے جائیں گے اور تمام یونیورسٹیز کے طلبہ کے مابین مذاکرات کرکے ان کے مستقبل کے لئے کوشش کرنا، صوفی مشن کو مزید فروغ و ارتقاء دینا، مسلک اعلی حضرت کی ترویج واشاعت جیسے اہم منصوبے شامل ہیں۔
اس موقع پر یوپی کی نئی ٹیم بنائی گئی ہے، جس میں مولانا ارشد خان رضوی، صدر، جنرل سکریٹری : حسن احسانی، فنائنس سکریٹری : جناب واثق بیگ برکاتی صاحب، کو منتخب کیا گیا ہے۔
حافظ مولانا محمد ارشد خان رضوی فیروزآباد صاحب کو ڈاکٹر شجاعت قادری (چیئرمین) مولانا مدثر اشرفی ( قومی صدر) مولانا ابو اشرف، جناب واثق بیگ برکاتی، مفتی اسرار احمد فیضی واحدی، شال پہنا کر نئے صدر کا استقبال کیا اور مبارکبادی پیش کی ،اس موقع پر مولانا محمد قمرانجم قادری فیضی، احتشام برکاتی، سرفراز انصاری نائب صدر کانپور ، محمد فیصل احمد فیروزآباد، عمران خان لکھنؤ، وغیرہ شریک اجلاس تھے۔
