صالحہ حسنات فاونڈیشن کے زیر اہتمام شعری نشست منعقد 

کانپور: (محمد عثمان قریشی) مصالحہ حسنات فاونڈیشن کے زیر اہتمام ایک شعری نشست کا انعقاد فاونڈیشن کے مرکزی دفتر دار الحسنات جاجمئو میں کیا گیا ۔ اس موقع پر عتیق فتح پوری ، نورین فیض آبادی، سید محمد احمد اور گل زر ادیبہ کو نشان یادگار پیش کیا گیا ۔ صالحہ حسنات فاونڈیشن کی تقریبات میں فضیل احمد کی تکنیکی معاونت کا اعتراف کیا گیا ۔ شعرا کے کلام سے منتخب شدہ چندا شعار مندرجہ ذیل ہیں۔

کچھ انتظار کچھ آنسو کچھ اضطراب لئے 

دوکان دل سے کھلونے سبھی خراب لئے 

سید محمود احمد 

- Advertisement -

قلب بےتاب کو پھر ہم نے منایا بھی نہیں 

دل کی تسبیح جو تھا لب پہ وہ آیا بھی نہیں 

گل زر ادیبہ

حسن کے دھوکے میں اے ناداں کبھی آنا نہیں 

میں نے دل کو لاکھ سمجھایا مگر مانا نہیں 

عتیق فتح پوری

یہ فروری کا مہینہ ہے اس کی یادوں کا

سو میں نے عادتاً اس بار بھی گلاب لئے 

اختر کانپوری

سمجھتے ہو جنہیں تم چاند تارے

یہ سکے تو مرے پھیکے ہوئے ہیں 

نورین فیض آبادی

جب رعونت کسی انسان میں آ جاتی ہے 

شخصیت کیا ہے یہ پہچان میں آ جاتی ہے

کلیم نعیمی