لکھنٶ(ابوشحمہ انصاری) بارہ بنکی کے قصبہ کنتور کے رہائشی عبداللہ انصاری ابن محمد ذاکر انصاری نے کم عمری میں پہلا روزہ رکھ کر صبر و استقامت کا مظاہرہ کیا اور ملک کی ترقی، بھائی چارے اور عالمی امن کے لیے خصوصی دعائیں کیں۔
اس پرمسرت موقع پر ان کے والدین، رشتے داروں اور قریبی احباب نے انہیں مبارکباد دی اور ان کی لمبی عمر، بہتر تعلیم اور کامیاب مستقبل کے لیے دعا کی۔ عبداللہ انصاری کے اس حوصلہ مند اقدام کو علاقے میں خوب سراہا جا رہا ہے، اور یہ نئی نسل کے لیے ایک روشن مثال ہے۔ مقامی علما نے بھی ان کی حوصلہ افزائی کی اور کہا کہ بچوں میں دینی و اخلاقی شعور کی بیداری معاشرے کے لیے نیک شگون ہے۔
اللہ تعالیٰ ان کی عبادات کو قبول فرمائے اور انہیں دین و دنیا میں کامیابی عطا کرے۔آمین
