کانپور( محمد عثمان قریشی) مدرسہ عربیہ رزاقیہ مدینۃالعلوم پانی کی ٹنکی بانس منڈی میں آمد رمضان المبارک کے موقع پر جلسہ منعقد کیا گیا. جس میں مولانا محمد شمیم اشرفی نے کہا کہ بہت مبارک مہینہ جلوہ فگن ہونے والا ہے نبی کریم صلی اللہ علیہ وسلم نے ارشاد فرمایا کہ تم پر رمضان آیا جو بڑی برکت والا مہینہ ہے. اللہ تعالٰی اس میں تمہیں اپنی رحمت میں ڈھانپ لیتا ہے اور اس میں خطاؤں کو معاف فرما دیتا ہے. بدنصیب ہے وہ شخص ہے جو اس مہینہ میں اللہ کی رحمت سے محروم رہ جائے لہٰذا عام خواص سے اپیل ہے کہ روزہ کا اہتمام اور تراویح کی پابندی کریں، تلاوتِ قرآنِ پاک سے اپنے اعمال میں اضافہ کریں.
جلسہ کا آغاز تلاوت کلام سے حافظ ناظم انور نے کیا حافظ محمد علی محمد شاہد محمد فیضان محمد طفیل نے بارگاہ رسالت مآب میں نعت شریف کا نذرانہ پیش کیا. نظامت جناب شبّیر اشرفی کانپوری نے بحسن خوبی انجام دیا۔
آمد رمضان کے تعلق سے منعقدہ اس پروگرام میں خاص طور سے مدرسہ ہذا کے ناظم اعلیٰ حافظ عبدالرحیم بہرائچی حافظ محمد خورشید حاجی عتیق احمد اظہار احمد خان حاجی محمد آصف رئیس حاجی محمد نسیم انصاری قاضی عزیز اللہ محمد قسیم محمد اسلم ریس الحسن حافظ محمد عظیم وغیرہ موجود رہے۔
