براؤں شریف میں عرس حضور چشتی میاں 12 دسمبر کو منعقد ہوگا

براؤں شریف ( محمد قمر انجم) جامع اوصاف و کمالات شیخ الصوفیاء شہزادۂ مظہر شعیب الاولیاء عابد شب زندہ دار پیر طریقت حضرت علامہ الحاج الشاہ غلام عبدالقادر چشتی المعروف چشتی میاں علیہ الرحمہ کا عرس سراپا قدس 11/12 دسمبر بروز بدھ جمعرات 2024ء کو جامع علوم و فنون محب العلماء والمشائخ حضرت علامہ مولانا حافظ و قاری صاحبزادہ محمد افسر علوی قادری چشتی مدظلہ العالی والنورانی سجادہ نشین خانقاہ عالیہ قادریہ چشتیہ یارعلویہ براؤں شریف کی سرپرستی میں منایا جائے گا۔جس میں ملک کے مقتدر علماء ومشائخ شعراء ادباء کی آمد ہوگی ۔
معمولات عرس مندرجہ ذیل ہیں۔ 11/ دسمبر بروز بدھ کو دن میں 10 بجے قرآن خوانی ہوگی ۔بعد نماز ظہر تا عصر وعظ و بیان برائے خواتین ،جس میں پردے کا معقول انتظام رہے گا ۔
دوسرے دن جمعرات بعد نماز فجر قرآن خوانی ،بعد نماز مغرب چادر گل پوشی مزار شریف، بعد نماز عشاء تقاریر علماء کرام و مفتیان عظام نعت و منقبت شعرائے اسلام شب میں 2 بجے قل شریف و دعا خوانی پر اختتام پذیر ہوگا ۔داعیان میں صاحبزادہ محمد احمد علوی، محمد ارشد علوی، محمد اظہر علوی، محمد ثقلین علوی، محمد ذوالنورین علوی، و جملہ خانوادۂ شعیب الاولیاء براؤں شریف ضلع سدھارتھ نگر ۔ نیز حضور شعیب الاولیاء علیہ الرحمہ کی حیات و خدمات آثار و روایات، پر مشتمل کتاب "سیرت شعیب الاولیاء ” کا علماء کرام کے مبارک ہاتھوں سے رسم اجراء ہوگا جس کے مصنف صاحبزادہ محمد افسر علوی قادری چشتی مدظلہ العالی ہیں اور اس کے علاوہ کئی دینی علمی ادبی شخصیات کو ایوارڈ سے بھی نوازا جائے گا۔