کانپور (محمد عثمان قریشی) بینک میں گروی رکھے گئے زیورات پر زکات مطلقا واجب نہیں
آل انڈیا غریب نواز کونسل کے زیر اہتمام ماہ صیام ہیلپ لائن میں پوچھے گئے سوالات کے شرعی جواب
سوال: کیا دائیہ کو رمضان کے روزے چھوڑنا جائز ہے؟
جواب: دودھ پلانے والی دائیہ کو رمضان میں اجازت ہے کہ اس وقت روزہ نہ رکھے جب کہ دودھ پلانے کی وجہ سے بچہ یا اپنی جان کے نقصان کا صحیح اندیشہ ہو ۔ دودھ پلانا خواہ بطور نوکری ہو یا کچھ بھی۔
سوال : مسافر دوپہر سے پہلے وطن آ گیا تو کیا اب وہ اسی وقت روزہ کی نیت کرے گا یا دوسرے دن سے؟
جواب: مسافر ضحوہ کبری عین دو پہر سے پہلے مقیم ہو گیا اور روزہ کے خلاف کوئی ایسا عمل نہ کیا جو منافی روزہ ہو تو اس پر اس دن کے روزہ کی نیت کر لینا واجب ہے۔
سوال : افطار میں پیاز کا سلاد کھانا کیسا ہے؟
جواب: احتیاط چاہیے۔ عموما افطار کے بعد نماز مغرب کے لیے مسجد جانا ہوتا ہے کچی پیاز یا لہسن کھا کر اس کی بدبو کو دور کیے بغیر مسجد جانا اور نماز پڑھنا منع ہے۔ لہذا ان چیزوں سے افطار میں پر ہیز کریں۔
سوال : زیورات کو بینک میں گروی رکھ کر روپے لیے تو زکات واجب ہوگی یا نہیں؟
جواب : بینک میں گروی رکھے گئے زیورات پر زکات مطلقا واجب نہیں نہ گروی رکھنے والے پر اور نہ اس پر جس کے پاس گروی رکھی گئی ہے اور گروی واپس لینے کے بعد بھی ان برسوں کی زکات نہیں جنتے برس کی مال گروی میں رہا۔
ماہِ صیام ہیلپ لائن میں مفتیاں کرام و علماء کے رابطہ جاتی اور واٹس اپ نمبرات
- مفتی محمد الیاس خاں نوری (مفتی اعظم کان پور) 9935366726
- مفتی محمد هاشم اشرفی 9415064822
- مفتی محمد مہتاب عالم مصباحی 9044890301
- مولانا فتح محمد قادری 9918332871
- مفتی محمد حسان اختر علیمی9161779931
- مولانا قاسم اشرفی مصباحی ( آفس انچارج ) 8052277015
- مولانا غلام حسن قادری 7897581967
- مفتی گل محمد جامعی اشرفی 8127135701
- مولانا سفیان مصباحی 9519904761
- حافظ محمد ارشد اشرفی 8896406786
- جناب اقبال احمد نوری 8795819161
