کانپور (محمد عثمان قریشی) محسن انسانیت حضور رحمت عالم ﷺ کے یوم ولادت با سعادت کے مبارک و مسعود موقعے پر جشن چراغاں و جلوس عید میلاد النبی ﷺ کا بڑے پیمانے پر الجامعۃ الاسلامیہ اشرف المدارس گدیا نہ میں اہتمام کیا گیا جس میں آل انڈیا غریب نواز کونسل کے قومی صدر حضرت مولانا محمد ہاشم اشرفی امام عید گاہ گدیا نہ نے خطاب کرتے ہوئے کہا کہ حضور سارے جہان کے لئے رحمت بن کر آئے آپ نے انسانیت، مانو تہ، بھائی چارے، اخلاق، اخلاص، پیار، محبت، امن و شانتی کا درس دیا آپ نے بیٹیوں کو رحمت کہا ہے اور بیٹیوں کو جائداد سے حصہ دینے کی تاکید کی ہے اگر لوگ بیٹیوں کو حصہ دینے لگے تو سماج سے جہیز کی مانگ سسرال میں بیٹیوں پر تشد د ختم ہوگا
واضح رہے کہ جلوس عیدمیلادالنبی اپنی سابقہ روایات کے ساتھ مولانا اشرفی صاحب کی قیادت میں جامعہ اشرف المدارس کے باب الغوث سے روانہ ہوا جس میں درجنوں ) انجمنوں نے حصہ لیا اور جب عاشقان رسول جلوس لیکر گلیوں سے گزرے تو جوش و خروش سے لبریز ہو کر نعرہ تکبیر اللہ اکبر، نعرہ رسالت یا رسول الله ، سرکار کی آمد مرحبا، مختار کی آمد مرحبا لبیک یا رسول اللہ کے پر کیف نعروں سے فضا گونج اٹھی اور ماحول بہت ہی خوشگوار ہو گیا اور امن امان کی مثال پیش کرتے ہوئے کبوتروں کو آزاد کیا گیا
اس سے قبل دیر رات جامعہ کے خدیجہ الکبری ہال میں جشن چراغاں کا اہتمام کیا گیا اس کی خصوصیت یہ تھی کہ اس کے شرکاء نیا غسل کرکے باوضو اور صاف کپڑوں میں ملبوس ہو کر سروں پر عمامہ سجائے ہوئے عطر میں معطر تھے سب کی زبان پر درود پاک جاری تھا ہر خاص و عام نے شان رسالت ﷺ میں نعت خوانی کر کے اپنی عقیدتوں کا اظہار کیا ایک ایک کر کے شرکاء نے آقا کی میلاد کی خوشی میں 313 دیسی گھی کے چراغ روشن کئے بعدہ حلقہ ذکر میں شریک ہو کے سبھی نے اپنے قلوب کو منور کر کے روحانیت محسوس کی پھر عین بھور ( وقت ولادت ) پر رونما ہونے والے واقعات مولانا اشرفی نے بڑے ہی خوبصورتی کے ساتھ بیان فرمائے اس کے بعد گنبد خضری کی طرف لو لگا کر پورے مجمع نے درود شریف و صلوۃ و سلام کا نذرانہ پیش کیا اور ہندوستان سمیت عالم اسلام میں امن و امان ترقی و خوشحالی کی دعا کی گئی
لنگر رسول عام طور سے تقسیم کر کے میلا د النبی کے تحفہ سے بھی نوازا گیا۔ اس موقع پر قرب و جوار ائمہ مساجد و علماء کرام و دانشوران قوم،ہزاروں عاشقان رسول سمیت خاص طور سے الحاج سید خورشید عالم ، سید فہد عالم ،حاجی حیدر نفیس غازی ، بشیر احمد شاکر علی، محمد اسلم محمد حنیف عبدالکریم، عربی حس لعل محمد ، نعمان اختر ، ڈاکٹر سلیم احمد وغیرہ موجود کثیر تعداد میں لوگ شریک رہے
