فتحپور ( محمد عثمان قریشی) آج جمعیت منصور کے زیر اہتمام دیدار پیلیس پریم نگر کھاگا فتحپور میں منصوری سماج کی معزز شخصیات نے عید کی تقریبات کا انعقاد کیا اور ایک دوسرے کو عید کی خوشیاں بانٹیں۔
اس تقریب میں اتر پردیش کے مختلف اضلاع سے شرکت کرنے والے مہمانان کو اعزاز سے نوازا گیا۔ عید کی اس تقریب میں قوالی اور مختلف ثقافتی پروگراموں سے آئے ہوئے مہمانان لطف اندوز ہوئے۔ اس موقع پر جمعیت منصور کے ریاستی صدر حاجی ربیع اللہ منصوری نے کہا کہ ہم آپ سب کو عید الفطر کے موقع پر اپنی پرتپاک نیک خواہشات اور مبارکباد پیش کرتے ہیں۔
عیدالفطر کا یہ تہوار رمضان المبارک کے دوران ایک ماہ کے روزوں کی تکمیل پر اللہ تعالیٰ کی طرف سے عطا کردہ تحفہ ہے۔ ہمارے ہندوستانی معاشرے میں عید کا تہوار ہمیشہ سے اہم کردار ادا کرتا رہا ہے۔ یہ مختلف مذاہب کے درمیان رابطہ ، رواداری اور باہمی احترام کو بڑھانے کا ایک طاقتور ذریعہ بھی رہا ہے۔
جمیعت منصور کے عہدے داران نے صحافیوں اور دیگر شخصیات کے اعزاز میں عید کی تقریبات کا انعقاد کیا اور ایک دوسرے کو عید کی خوشیاں بانٹیں ، اس موقع پر سابق ریاستی صدر محمد نعیم نے کہا کہ ہم آپ سب کو عید الفطر کے موقع پر اپنی پرتپاک نیک خواہشات اور مبارکباد پیش کرتے ہیں۔
