جنیوا میں ہیومن رائٹس کونسل سے جے پور کی فائزہ کا خطاب

جے پور کی فائزہ نے جنیوا میں ہیومن رائٹس کونسل سے کیا خطاب ، ہنوستان کے انسانی حقوق اور جنسی مساوات پر دیا زور، یو سی سی پر بھی رکھی اپنی بات

نئی دہلی (پریس ریلیز) جے پور راجستھان کی ایک مسلم خاتون ڈاکٹر فائزہ رفعت نے حال ہی میں اقوام متحدہ کے جنیوا میں منعقدہ 58ویں ہیومن رائٹس کونسل سے خطاب کرتے ہوئے بھارت کے انسانی حقوق اور جنسی مساوات کے مسائل پر زور دیا۔ انہوں نے اپنے خطاب میں نہ صرف ان اہم پہلوؤں پر ہندوستان کی ترقی اور چیلنجز کو اجاگر کیا، بلکہ یونیفارم سول کوڈ (UCC) کے تناظر میں بھی اپنی بات رکھی۔

فائزہ نے بھارت میں انسانی حقوق کی صورتحال کے بارے میں ایک متوازن نقطہ نظر پیش کیا، جس میں انہوں نے حکومت کے اقدامات کی تعریف کی، ساتھ ہی ان شعبوں کی طرف بھی توجہ مبذول کرائی جہاں ابھی مزید بہتری کی ضرورت ہے۔ جنسی مساوات پر بات کرتے ہوئے انہوں نے خواتین کے بااختیار بنانے اور جنسی امتیاز کو ختم کرنے کے لیے پالیسی اصلاحات کی وکالت کی۔

جنیوا میں ہیومن رائٹس کونسل سے خطاب کے دوران یو سی سی پر ان کے تبصرے میں یکساں شہری ضابطہ نافذ کرنے کے امکانات اور اس سے جڑے سماجی و ثقافتی اثرات پر غور و فکر دیکھنے کو ملا۔
یہ خطاب عالمی سطح پر بھارت کی آواز کو مضبوط کرنے کی ایک کوشش تھی، جس میں جے پور کی اس نمائندہ نے مقامی سے لے کر عالمی سطح تک کے مسائل کو مؤثر طریقے سے اٹھایا۔ ان کا یہ قدم نہ صرف جے پور بلکہ پورے بھارت کے لیے فخر کا باعث رہا۔