➖➖➖➖➖➖➖➖➖➖➖
اسم گرامی : صوفی محمد صدیق احمد
القابات : مظھر شعیب الاولیاء، مجاہد سنیت، صدیق الاولیاء، حضرت خلیفہ صاحب قبلہ
مولود و مسکن : براؤں شریف
عمر شریف : چھیتر (76) سال
اسم والد محترم : شیخ المشائخ حضور شعیب الاولیاء حضرت محمد یار علی علوی علیه الرحمة والرضوان
حسب و نسب : علوی سادات
مشائخ كرام : (1) گل بوستان قادریت شمع شبستان چشتیت شيخ المشائخ حضور سركار شعيب الاولياء محمد یار علی علوی عليه الرحمة والرضوان براؤں شريف
(2) گل گلزار قادریت وبرکاتیت سید العلماء حضرت علامه مفتي سيد آل مصطفى عليه الرحمة والرضوان مارهره مطهره
(3) شہزادۂ اعلي حضرت حضور سركار مفتي اعظم هند عليه الرحمة والرضوان بريلي شريف
(4) قطب مدينه خلیفہ اعلی حضرت حضرت علامه الحاج الشيخ ضياء الدين مدني عليه الرحمة والرضوان مدینہ شريف
(5) گل گلزار اشرفيت حضور سركار كلاں الحاج الشاه سيد مختار اشرف صاحب عليه الرحمة والرضوان کچھوچھہ مقدسہ
(6) مناظر هند شيربيشئہ اهلسنت حضرت علامه الحاج الشاه مفتى حشمت علي خان قادري عليه الرحمة والرضوان پیلی بھیت شریف (مذکورہ مشائخ کرام کی خلافتوں کے علاوہ اور بھی دوسری خانقاہوں سے بھی خلافت و اجازت حاصل تھی
خلفائے عظام : (1) خلف اکبر پیر طریقت رہبر راہ شریعت نبیرۂ شعیب الاولیاء و شہزادۂ مظہر شعیب الاولیاء حضرت علامه الحاج الشاہ غلام عبد القادر چشتی صاحب قبلہ قادری یارعلوی علیہ الرحمة والرضوان سابق نائب ناظم اعلیٰ دارالعلوم اہلسنت فیض الرسول براؤں شریف
(2) خلف اصغر پیر طریقت رہبر راہ شریعت نبیرۂ شعیب الاولیاء و شہزادۂ مظهر شعيب الاولياء حضرت علامه الحاج الشاه محمد مختار أحمد رضا علوي قادري چشتي يارعلوي عليه الرحمة والرضوان سابق سجاده نشين خانقاه عاليه فيض الرسول و ناظم اعلي دارالعلوم اهلسنت فيض الرسول براؤں شريف
(3) مفسر قرآن حضرت علامه سيد احمد انجم عثماني سابق صدرالمدرسين دار العلوم اهلسنت فيض الرسول براؤں شريف
(4)شیر بنگال حضرت علامه الحاج الشاه مفتي محمد قاسم صاحب علوی مٹیا برج کلکتہ بنگال
(5) مبلغ إسلام بانئ مدارس كثيره حضرت علامه الحاج الشاه مفتى غلام غوث صاحب قبله علوي براؤں شریف و صدرالمدرسين دار العلوم اهلسنت مسكينيه دھوراجی گجرات
اولاد : تین(3) بیٹے اور چھ(6) بیٹیاں
زیارت : حرمین شریفین تین(3) بار
مناصب : ناظم اعلی دارالعلوم اہلسنت فیض الرسول براؤں شریف
سجادہ نشین خانقاہ یارعلویہ براؤں شریف
متعدد اداروں کے سر پرست
ولادت : مظھر شعیب الاولیاء، رئیس الاتقیاء، سراج السالکین، رہنمائے کاملین، صدیق الاولیاء، عاشق اعلی حضرت پابند شریعت و طریقت عابد شب زندہ دار مرجع روحانیت حضرت مولانا صوفی محمد صدیق احمد صاحب علوی قادری چشتی قبلہ علیه الرحمة والرضوان کی پیدائش 1916 عیسوی میں سابق ضلع بستی اور موجودہ ضلع سدھارتھ نگر یوپی کے ایک مشہور و معروف گاؤں موضع براؤں شریف میں ہوئی جو تحصیل بانسی سے پچھّم تیرہ کلو میٹر موضع گلہورہ کے قریب واقع ہے جو مسلم اور غیر مسلم آبادی پر مشتمل ہے۔
سجادہ نشینی : یکم جمادی الثانی 1366 ھ مطابق یکم اپریل سن 1947 ء
سراپا : حسین و جمیل چہرہ بارعب وپُروقار جس سے شان ولایت ٹپکتی اور طہارت و تقدس کی نورانیت اس پر مستز اور خسار بھرے ہوئے جس پر روحانیت کی کرنیں پھیلی ہوئی محسوس ہوتیں، پیشانی کشادہ جس پر خشیت ربانی کے چمکتے ہوئے انوار، لب متوازن جو فرصت کے وقت تسبیح میں متحرک، ناک بلند ایک مناسب حد تک، آنکھیں بڑی بڑی جو عبادت اور تقوی کے نور سے منور اور شرم و حیاء میں جھکی ہوئی، داڑھی کے بال گھنے بہت ہی باوقار، سینہ کشادہ جو روحانیت کا گنجینہ قد لمبا، رنگ گورا بلکہ پورا وجود کردار اسلاف کی چلتی پھرتی تصویر۔
لباس : لمبا کرتا تخنوں سے تھوڑا اوپر شلوار جو سنت نبوی کے مطابق رنگ سفید، صدری بھی استعمال کرتے اور عمامہ شریف ہر وقت باندھے رہتے، سفید عربی رومال بھی استعمال فرماتے، ہاتھ میں عصائے مبارک سنت مبارکہ کے مطابق مزاج میں نفاست و نظافت کی بناء پر کپڑا ہر وقت صاف ستھرا اور عطر میں بسا ہوا اور ہاتھ میں بھی عطر لگاتے تھے لوگ جب حضرت سے مصافحہ اور دست بوسی کرتے تو پانچ دس منٹ تک ان لوگوں کا بھی ہاتھ مہکتا۔
سلسلہ نسب : آپ علوی النسب یعنی محمد بن حنیفہ ابن سیدنا مولائے کائنات حضرت علی کرم اللہ وجہہ الکریم کی اولاد میں سے ہیں۔
وصال : 19 رجب المرجب سن 1412 ہجری مطابق سن 1992ء رات میں 2/بجے اس دار فانی سے کوچ کر گئے۔
مزار پر انوار : براؤں شریف مرجع خاص و عام ہے۔
