کانپور:(محمد عثمان قریشی) مشرقی یوپی کی عظیم دینی، تعلیمی، تربیتی، تحریکی، ادبی اور مثالی درسگاہ جامعہ عربیہ اشاعت العلوم قلی بازار میں ایک روزہ عظیم الشان دعائیہ تقریب بموقع تکمیل ختم بخاری شریف 2/شعبان المعظم مطابق 2/فروری آج بروز اتوار صبح 10 / بجے مسجد عائشہ صدیقہ جامعہ میں منعقد ہوگی۔
سرپرستی مولانا مفتی اقبال احمد قاسمی صدر المدرسین مدرسہ مظہر العلوم نکھٹو شاہ اور صدارت قاضئی شہر کانپور حافظ و قاری عبد القدوس ہادی کریں گے ۔
اس خاص دعائیہ تقریب کے موقع پر مہمان خصوصی کی حیثیت سے کانپور کی عظیم شخصیت مولانا محمد سعید قاسمی شیخ الحدیث و ناظم تعلیمات مدرسہ جامع العلوم جامع مسجد پٹکا پور کی آمد ہو رہی ہے۔ آپ ہی بخاری شریف کی آخری حدیث کا درس دے کر دعا فرمائیں گے۔
تقریب کی تمام تیاریاں مکمل ہو چکی ہیں۔ جامعہ کے اساتذہ اور طلباء مہمانوں کے استقبال کیلئے شدت سے منتظر ہیں۔ واضح ہو کہ ایک طالب علم کیلئے یہ نہایت کی خوشی اور مسرت کا موقع ہوتا ہے جب اسے بخاری شریف کا آخری درس دیا جائے۔
والدین بھی کیلئے بھی یہ اعجاز ہوتا ہے کہ ان کا بیٹا عالم دین بنے۔ اس تقریب ختم بخاری کے خاص موقع پر اراکین، ہمدردان، مخلصین، محبین و دیگر احباب سے شرکت کی درخواست ہے۔
آپ کو یہ جان کر یقینا خوشی ہوگی کہ آپ کی اس درسگاہ نے قلیل مدت میں تعلیمی وتربیتی حوالے سے شاندار کارہائے نمایاں انجام دئے ہیں۔ جماعت فارسی سے جماعت دورہ حدیث تک کا قیام بھی جامعہ کی کاوشوں کی ایک روشن دلیل ہے۔ اب تک جامعہ سے سیکڑوں کی تعداد میں حفاظ، قراء اور علماء فارغ ہوکر ملک کے مختلف علاقوں میں دین کی مثالی خدمات انجام دے رہے ہیں۔
