امیٹھی (محمد قمر انجم فیضی) جموں و کشمیر میں واقع پہلگام میں نہتے اور بےقصور سیاحوں پر ہونے والے بزدلانہ و قاتلانہ حملے کی سخت ترین الفاظ میں مذمتوں کا سلسلہ جاری ہے ۔
اس موقع پر مشہور قومی ملی شخصیت علامہ محمد ابو اشرف ذیشان نائب سجادہ نشین خانقاہ گلزاریہ امیٹھی نے ارباب صحافت سے گفتگو کرتے ہوئے کہا کہ پہلگام میں جو کچھ ہوا وہ ایک انسانیت سوز فعل ہے اور ایسے بزدل و نفرتی عناصر نہ صرف ملک کے امن و امان کو خراب کرنا چاہتے ہیں بلکہ ہمارے ملک کی پرامن وسکون شبیہ کو بھی شدید ترین نقصان پہنچانے کی نازیبا حرکت کی ہے۔
انھوں نے مزید کہا کہ پہلگام ایک سیر وسیاحت جگہ ہے جہاں ہزاروں افراد گھومنے پھرنے کے لئے دور دراز سے آتے ہیں ایسے میں ان 26 سیاحوں کو نا حق قتل کرنے والے تمام مجرمین کو حکومتِ ہند اور متعلقہ ریاستی حکام فوری طور پر گرفتار کرے اور انہیں قانون کے مطابق سخت ترین سزا دی جائے، تاکہ دوبارہ کوئی اس قسم کی حرکت کرنے کی ہمت نہ کرے۔
تمام مہلوکین کے اہل خانہ سے دلی رنج کا اظہار کرتے ہوئے نوجوانوں سے کہا کہ ملک میں امن و چین بنائے رکھنے کی اپیل کرتے ہیں۔۔
