کانپور میں رابطہ مدارس کا مشترکہ امتحان30 جنوری کو ہے۔اس لئے یہ پروگرام اب 2 فروری 2025 بروز اتوار صبح 10 بجے منعقد ہوگا
کانپور: (محمد عثمان قریشی) مشرقی یوپی کی عظیم دینی، تعلیمی، تربیتی، تحریکی، ادبی اور مثالی درسگاہ جامعہ عربیہ اشاعت العلوم قلی بازار کانپور میں ایک روزہ عظیم الشان دعائیہ تقریب بموقع تکمیل ختم بخاری 2 شعبان المعظم مطابق 2 فروری بروز اتوار صبح 10 بجے مسجد عائشہ صدیقہؓ جامعہ ہٰذا میں زیر سرپرستی حضرت الحاج مولانا مفتی اقبال احمد قاسمی صدر المدرسین مدرسہ مظہر العلوم نکھٹو شاہ کانپور و زیر صدارت قاضئ شہر کانپور حافظ و قاری عبد القدوس ہادی نائب صدرجمعیۃ علماء اتر پردیش و مہتمم جامعہ ہٰذا منعقد ہوگی۔
اس خاص موقع پر مہمان خصوصی کی حیثیت سے شہر کانپور کی ایک عظیم شخصیت مولانا محمد سعید قاسمی شیخ الحدیث و ناظم تعلیمات مدرسہ جامع العلوم جامع مسجد پٹکا پور کانپور کی آمد ہو رہی ہے اور آپ ہی بخاری شریف کی آخری حدیث کا درس دیں گے اور دعا فرمائیں گے۔
اس تقریب ختم بخاری شریف کے خاص موقع پر اراکین، ہمدردان، مخلصین، محبین و دیگر احباب سے شرکت کی درخواست ہے۔
آپ کو یہ جان کر یقینا خوشی ہوگی کہ آپ کی اس درسگاہ نے قلیل مدت میں تعلیمی وتربیتی حوالے سے شاندار کارہائے نمایاں انجام دئے ہیں۔ جماعت فارسی سے جماعت دورہ حدیث تک کا قیام بھی جامعہ کی کاوشوں کی ایک روشن دلیل ہے۔ اب تک جامعہ سے سیکڑوں کی تعداد میں حفاظ، قراء اور علماء فارغ ہوکر ملک کے مختلف علاقوں میں دین کی مثالی خدمات انجام دے رہے ہیں۔
