بھارتیہ کسان یونین کے زیر اہتمام 13,14,15 جون کو راشٹریہ شِور سمیلن ہریدوار میں
کانپور (محمد عثمان قریشی) بھارتیہ کسان یونین (بھانو) کے قومی صدر ٹھاکر بھانو پرتاپ سنگھ کی قیادت میں سہ روزہ قومی اجلاس کسانوں اور عام ہندوستانیوں کو در پیش بڑھتے ہوئے مسائل جیسے مہنگائی، بیروزگاری، زرعی بحران اور حکومتی بے حسی پر سنجیدہ گفت وشنید کے لئے مخصوص ہے۔تنظیم کے آل انڈیا سکریٹری قاری عبدالمعید چودھری نے آج کانپور میں اس کی اطلاع دیتے ہوئے بتایاکہ اس شِوِر سمیلن کا اصل مقصد کسان یونین کو مضبوط بنانا اور متحدہ آواز کے ساتھ حکومت تک اپنی بات پہنچانا ہے۔ قاری چودھری نے تمام کسان نمائندوں اور رضاکاروں سے اپیل کی ہے کہ وہ تینوں دن ہریدوار پہنچ کر اس قومی مہم کو کامیاب بنائیں۔انہوں نے کہا: ”اگر یونین مضبوط ہوگا تو ہر کسان مضبوط ہوگا، اور ہم ہندوستان کے عام شہریوں کے مسائل کو بھی بہتر طریقے سے اٹھا سکیں گے۔
