موبائل کا غلط استعمال سختی سے روکیں
حضرت خواجہ غریب نواز علیہ الرحمہ نے ظلم وستم کے خلاف ہمیشہ آواز بلند کی اور فتنوں کا سر کچل کرمحبت، صداقت قومی یکتا اور مانوتا کی ایک مثال قائم کی، ہندوستان کے علاوہ دوسرے ملکوں تک انسانیت، ہمدردی بھائی چارہ اور مساوات کو عام کیا (مولانا محمد ہاشم اشرفی )
کانپور (محمد عثمان قریشی) 2 جنوری آل انڈیا غریب نواز کونسل کے زیر اہتمام غریب نواز ہفتہ کے تحت پہلا پروگرام جشن غریب نواز و لنگر غریب نواز کا اہتمام بمقام ڈبل کالونی سنیگواں میں نہایت تزک و احتشام کے ساتھ کیا گیا
جس میں علماءکرام نے مشترکہ طور پر کہا ہے کہ حضرت خواجہ غریب نواز کے عرس کی تاریخ6رجب مطابق 7 جنوری ہے جو پورے ملک کیلئے یوم محبت ہے مقررین نے عوام سے اپیل کی کہ6رجب یوم محبت کے طور پر منا ئیں ،اس لئے کہ حضرت خواجہ غریب نواز کے وصال کے بعد آپ کی پیشانی پر لکھا تھا یہ اللہ کا محبوب ہے اور اللہ کی محبت میں انتقال کیا ہے
عرس غریب نواز کی تاریخ 6رجب اہل ہندوستان کیلئے یوم محبت ہے کیونکہ خواجہ صاحب نے ظلم کے خلاف ہمیشہ آواز بلند کی اور فتنوں کا سر کچل کرمحبت ،صداقت ،قومی یکتا، مانوتا، کی ایک مثال قائم کی اور ہندوستان کے علاوہ دوسرے ملکوں تک اپنا پیغام انسانیت ،مانوتہ ،ہمدردی، بھائی چارہ ،مساوات کو عام کیا جس کا نتیجہ یہ ہوا کہ لاکھوں لاکھ لوگوں نے آپکے طریقے اور راستے کو اپنا لیا.
آل انڈیا غریب نواز کونسل کے قومی صدر حضرت مولانا محمد ہاشم اشرفی نے کہا کہ ملٹی میڈیا موبائل کا غلط استعمال تمام برائیوں کی جڑہے ماں باپ بچوں اور بچیوں کو بلا ضرورت ملٹی میڈیا موبائل استعمال کرنے سے سختی سے روکیں مولانا اشرفی نے مزید کہا کہ آج شرپسند لوگ ملٹی میڈیا موبائل سے سوشل میڈیا پر ہندومسلم فسادات کو ہوا دیتے ہیں افواہیں پھلاتے ہیں دھارمک گروﺅں کی توہین کرتے ہیں گویا ہر طرح سے بے لگام ہوجاتے ہیں جس کی وجہ سے معاشرہ بگڑ جاتاہے نفرت کا ماحول بن جا تاہے لھذا بلا ضرورت ملٹی میڈیا موبائل کا غلط استعمال کرکے نفر تیں نہ پھلائیں بلکہ خواجہ غریب نواز کے پیغام محبت کو عام کرکے اپنے وطن کو مثالی ملک بنادیں حاضرین کو بٹھا کر لنگر غریب نواز کھلاےا گےا اس سے قبل جلسہ کا آغاز تلاوت قرآن پاک سے حافظ محمد ارشد اشرفی خطیب و امام حسن حسین جامع مسجد ڈبل کالونی نے کیااور بارگاہ رسالت میں ہدیہ نعت و منقبت کے نذرانے الحاج سیدخورشید عالم،قاری محمد فٰسل علیمی،محمد یوسف رضا کان پوری،قاری محمد احمد اشرفی نے پیش کئے نظامت کے فرائض حافظ محمد نیاز اشرفی نے انجام دئے صلوة وسلامرہندوستان سمیت عالم اسلام کے امن وامان اور خوشحالی اور کیلئے دعا ئیںکی گئیں۔ محفل کے اختتام کے بعد تبرک تقسیم کیا گیا۔ اس موقع پر خاص طور سے حاجی محمد وسیع ،انجینئر عبد الرحمٰن ،محمد ادریس خان ،حاجی احسان خان ،حافظ منہاج الدین قادری،حاجی حیدر عالی،محمد عارف،شکیل احمد،گڈو بھائ ،حیات خان،تآج الدین،محمد اشفاق،حاجی صفدر علی، محمد انصار عتیق احمد،حافظ فرحان ،مولانا نواز،محمد جاوید،سلمان،نیلو،نور حسن،محمد اشرف،امام الدین،مفید احمد ،سفیان،حافظ منصب،مولانا محمود حسّان اختر،مولانا اجمیر الدین ،کلیم احمد وغیرہ موجود تھے
