کانپور پریس کلب میں نئے سال پر ملک میں امن اور ہم آہنگی کے لیے دعائیں کی گئیں

کانپور (محمد عثمان قریشی) نئے سال کے آغاز پر آج کانپور پریس کلب میں دعا کے پروگرام کا انعقاد کیا گیا، اس موقع پر شہر قاضی مفتی ثاقب ادیب مصباحی نے دعا کرائی۔ حافظ صغیر عالم حبیبی نے نعتیہ کلام پیش کیا۔ کانپور پریس کلب کے صدر شری سرس باجپائی نے تمام مہمانوں کا شکریہ ادا کیا اور انہیں نئے سال کی مبارکباد دی۔ کانپور پریس کلب میں نئے سال کے موقع پر ملک میں خوشحالی، بھائی چارے اور امن کے لئے دعائیں مانگی گئیں اور مٹھائی بھی تقسیم کی گئی اور ضرورت مندوں کی مدد کے لئے عزم کیا گیا ۔ واضح ہو کہ ہر سال نئے سال کے آغاز پر کانپور پریس کلب سال کے پہلے دن سندر کانڈ کا پاٹھ اور دوسرے دن قرآن خوانی اور دعا کا اہتمام کرتا ہے۔ شہر قاضی مفتی ثاقب ادیب مصباحی نے آج پریس کلب میں تلاوت قرآن پاک کے بعد دعا کرائی۔ نائب شہر قاضی صغیر عالم حبیبی نے نعتیہ کلام پیش کیا۔ اس دوران پریس کلب کے صدر سرس واجپائی، آلوک پانڈے، شیوراج ساہو ، مولانا تحسین رضا قادری، مولانا غلام مصطفیٰ، محسن صدیقی، محمد سلمان، عبید، فیصل حیات محمد سلیم، وید گپتا وغیرہ سمیت بڑی تعداد میں صحافی موجود تھے ۔