اترولہ بلرامپور (محمدقمرانجم فیضی)جامعہ معینیہ نسواں میں تقریب افتتاح بخاری و فتاوی معینیہ کا رسم اجراء کا انعقاد کیا گیا. اس موقع پر صحیح بخاری کی جامعیت پر روشنی ڈالی گئی.
بخاری شریف کی ایک خصوصیت اس کی جامعیت ہے جس کے بارے میں حضرت شاہ ولی اللہ دہلوی فرماتے ہیں کہ امام بخاری نے اس کتاب میں فقہ و احکامِ فقہ، سیر و مغازی، تفسیر، وجدانیات و روحانیات اور اخلاق و آداب کے مختلف شعبوں کی روایات کو جمع کر دیا ہے۔ اور صرف یہی نہیں بلکہ اس کے ساتھ ایمان و عقائد کی روایات کو بھی کتاب کا حصہ بنایا ہے اور انسانی زندگی کا کوئی شعبہ ایسا نہیں ہے جس کے بارے میں کسی نہ کسی عنوان کے ساتھ امام بخاریؒ نے روایات پیش نہیں کیں۔ چنانچہ محدثین کی اصطلاح میں ’’الجامع‘‘ اسی کتاب کو کہا جاتا ہے جس میں صرف احکام کی روایات نہ ہوں بلکہ ایمانیات، تفسیر، اخلاقیات اور دیگر ضروری شعبوں کی روایات و ابواب بھی اس کا حصہ ہوں اور اس حوالے سے بخاری شریف کو صحیح معنوں میں ’’الجامع‘‘ کا مقام حاصل ہے۔
بخاری شریف کا دوسرا امتیاز اس کا صحت کا معیار ہے۔ امام بخاریؒ نے روایت کو قبول کرنے کے لیے اس کے مسند اور مرفوع ہونے کے ساتھ ساتھ اس کی صحت کی ایسی شرائط قائم کی ہیں اور ان کی پابندی کا اہتمام کیا ہے جس نے جمہور محدثین کے ہاں بخاری شریف کو ’’اصح الکتب بعد کتاب اللہ‘‘ کا درجہ دلا دیا ہے۔ اسی کے تحت بعد نماز جمعہ خواتین اسلام کا بہترین مرکزی دینی مذہبی علمی ادارہ جامعہ معینیہ مینہا کے امام احمد رضا ہال میں ختم بخاری شریف کی پاکیزہ محفل علامہ غلام عبدالقادر علوی خانقاہ فیض الرسول براؤں شریف ضلع سدھارتھ نگر نے کرائی۔ آپ نے فتاوی معینیہ کتاب کا رسم اجراء بھی کیا ۔ جس کو مولانا عطا محمد مصباحی کی صدارت میں، مفتی احمد حسین صدیقی نے بڑی ہی عرق ریزی و جانفشانی کے ساتھ ترتیب دے کر جامعہ معینیہ کے صدر اعلی الحاج غلام نبی نوری، حاجی مجیب اللہ نے جامعہ معینیہ کے شعبہ نشرواشاعت کے بینر تلے شائع کرنے کی سعادت حاصل کی۔
جس میں جامعہ معینیہ نسواں کی تخصص فی الفقہ جماعت کی طالبات نے 100 مسائل لکھ کر شمولیت حاصل کی ہیں۔ انہوں نے اخیر میں تعلیم و تربیت کے حوالے سے بہترین و شاندار خطاب کیا ۔ بعدہ مولانا محمد اسرار احمد فیضی ناظم اعلی جامعہ امام اعظم ابوحنیفہ نسواں عربی کالج علی پور بازار گونڈہ نے معلمین و معلمات کے درمیان آخری خطاب کیا۔
محفل افتتاح بخاری کی نظامت علامہ معین اختر خان نے بہت ہی حسن و خوبی کے ساتھ انجام دی۔ مولانا رحیم رضا بلرامپوری، مولانا ریاض الحق وغیرہ نے بارگاہ رسول میں نعت پاک پیش کی۔
اس موقع پر مولانا آفتاب عالم عثمانی استاذ دارالعلوم فیض الرسول براؤں شریف، ارشد رضا گجرات، مولانا روشن علی مصباحی، مولانا عنایت اللہ، مولانا قیصر رضا حشمتی، مولانا فیضان رضا، مولانا علی حسین فیضی چھتر پارہ، مولانا اسرار احمد، مولانا نورالدین اسماعیلی، غلام نبی نوری، حاجی مجیب اللہ، حاجی غلام علی، جناب ارسلان صدیقی سیمیت دیگر علماء کرام و طلبہ وطالبات موجود تھے۔
