جلسہ سیرت النبیؐ و عظمت صحابہؓ اشرف آباد جاجمؤ میں آج

کانپور (محمد عثمان قریشی) حضور رحمۃ للعالمین، خاتم النبیین، حضرت محمد عربی صلی اللہ علیہ وسلم کی سیرت مقدسہ، تعلیمات رحمت اور آپؐ کے اولین شاگرد حضرات صحابہ کرام رضوان اللہ علیہم اجمعین کے پاکیزہ اسوہ کو معیار بناکر امت مسلمہ میں سچی، اچھی، ایمانی، قرآنی اور نبوی زندگی گزارنے کا جذبہ پیدا کرکے پوری انسانیت کو امن و محبت اور مساوات کا پیغام دینے اور معاشرہ میں پھیلی برائیوں کو دور کرنے کیلئے تعمیر وطن کمیٹی اشرف آباد جاجمؤ کی جانب سے ہر سال کی طرح امسال بھی جامع مسجد اشرف آباد کے سابق ائمہ مولانا مبین الحق قاسمی، حافظ عبدالحلیم مظاہری اور مولانا متین الحق اسامہ قاسمی رحمہم اللہ کی یاد میں آج بتاریخ 15/ دسمبر 2024 بروز اتوار بعد عشاء یوپی ٹینری کے سامنے اشرف آباد جاجمؤ میں ایک روزہ جلسہ سیرت النبیؐ و عظمت صحابہؓ کا انعقاد کیا جارہا ہے۔
جلسہ کے کنوینر مولانا مسعود احمد جامعی اور نائب کنوینر قاری بدرالزماں قریشی نے مشترکہ طور پر بتلایا کہ جلسہ کی صدارت جانشین مجاہد اسلام حضرت مولانا امین الحق عبداللہ قاسمی فرمائیں گے جبکہ جلسہ میں خصوصی خطاب کیلئے دارالعلوم دیوبند کے نائب مہتمم مفتی محمد راشد صاحب اعظمی اور لکھنؤ کے معروف خطیب مولانا محمد کوثر ندوی تشریف لارہے ہیں۔ اس کے علاوہ شہر کے معروف علماء مولانا خلیل احمد مظاہری اور مولانا محمد اکرم جامعی کے بھی خطابات ہوں گے۔ جلسہ کا آغاز قاری مجیب اللہ عرفانی کی تلاوت سے ہوگا جبکہ شاعر اسلام محمد فہیم پہانوی نعت و منقبت کا نذرانہ پیش کریں گے۔
انہوں نے جاجمؤ و اطراف کے تمام مسلمانوں سے کثیر تعداد میں شرکت کی اپیل کی ہے۔