گھوسی(آصف جمیل امجدی) علم و عرفان کے گلزار، جامعہ امجدیہ رضویہ گھوسی کے زیر اہتمام 26 رجب المرجب 1446ھ بمطابق 27 جنوری 2025ء بروز دوشنبہ "امجدی رضوی جامع مسجد” میں ختم بخاری شریف اور طلبۂ کیرلا کی رسم دستار فضیلت کی روح پرور تقریب منعقد ہوگی۔
ختم بخاری اور رسم دستار فضیلت کا یہ تاریخی اجتماع صبح 9 بجے آغاز پذیر ہوگا، جہاں علم و فضل کے موتی بکھیرنے کے لیے آستانہ قادریہ امجدیہ کے سجادہ نشیں اور جامعہ کے بانی، حضور علامہ ضیاء المصطفیٰ قادری دامت برکاتہم العالیہ اپنی زبان فیض ترجمان سے بخاری شریف کی تکمیل فرمائیں گے اور بصیرت افروز خطاب کریں گے۔
اس عظیم الشان موقع پر علم کے پروانوں کو فضیلت کی دستار سے نوازا جائے گا، جو ان کے علمی سفر کا اہم سنگ میل ثابت ہوگا۔ اس مبارک محفل میں حضور محدث کبیر مدظلہ العالی خصوصی دعا فرمائیں گے، جس میں عالم اسلام کے تحفظ، بقا اور امن و امان کے لیے دعاؤں کی گونج سنائی دے گی۔
یہ تقریب نہ صرف ایک علمی جشن ہے بلکہ روحانی تجلیات کا سرچشمہ بھی، جسے دنیا بھر میں بذریعہ انٹرنیٹ نشر کیا جائے گا تاکہ ہر عاشقِ علم و دین اس سعادت سے بہرہ مند ہو سکے۔
مزید معلومات اور لائیو نشریات کے لیے وزٹ کریں:
www.jamiaamjadia.net
[…] حسنؓ نے آپ کے ہاتھ پر بیعت کرکے تفرقہ بازوں کو منھ توڑ جواب دیا۔ آپ کی حکمرانی میں […]