اٹوا سدھارتھ نگر: پہلگام حملہ پوری انسانیت پر حملہ ہے اس کی جتنی بھی نندہ کی جاۓ کم ہے، ان خیالات کا اظہار پیس پارٹی کے ترجمان مولانا عبد الرحمان نوری نے کیا۔ ایک پریس ریلیز کے حوالے سے انہوں نے کہا کہ دہشت گردی کسی صورت برداشت نہیں کی جائے گی۔
انہوں نے کہا کہ پیس پارٹی ایسے کسی بھی حملے کی پرزور مخالفت کرتی ہے جتنے بھی سیاح کی اس دہشت گردانہ حملے میں جانیں گئی ہیں وہ ناقابل برداشت ہیں۔ اس طرح بے قصوروں کو مارنا پوری انسانیت کے قتل کے مترادف ہے۔
اس طرح کسی نہتھے اور سیاح یا عام آدمی کو قتل کرنا بزدلی ہیں۔ اس معاملے میں اسلام اور مسلمانوں کو بے وجہ بدنام کرنے کی نیت سے کچھ سماج دشمن عناصر اس افسوسناک مسئلے میں بھی سیاست کر رہے ہیں۔ اس پورے معاملے کو مذہبی رنگ دے کر ملک میں مسلمانوں کے خلاف ماحول سازی کا گھناؤنا کھیل کھیل رہے ہیں، خاص کر نیشنل میڈیا کا کردار اس تعلق سے انتہائی افسوسناک اور قابل مذمت ہے۔
میڈیا کو تنقید کا نشانہ بناتے ہوئے انہوں نے کہا کہ اس طرح کی رپورٹنگ سے ملک کا ماحول خراب ہوسکتا ہے۔ فرقہ پرستوں کو میڈیا کی اس حرکت سے شہہ ملے جو ملک میں مسلمانوں کے خلاف تشدد کا سبب بن سکتی ہے۔ عام شہری ایک دوسرے کے دشمن بن جایئں۔
معاملے کی سنگینی کو دیکھتے ہوئے احتیاط سے کام لینا ہوگا، ہم سبھی ہندوستانی بھائیوں کو مل جل کر رہنا ہوگا اور حکومت کی ذمہ داری ہے کہ وہ قاتلوں کو ڈھونڈ کر نکالے اور ان کو کیفرکردار تک پہونچائے، تاکہ کوئی اور ایسی ہمت کرنے کی کوشش نہ کرے اور کسی بے گناہ کے ساتھ ایسی گٹھنا نہ گھٹے ہماری کوشش ہو کی ہم پوری طاقت سے آپسی بھائی چارہ بناکر ظالموں کے ظلم کا خاتمہ کریں۔
انہوں نے ملک کی عوام کو صبر اور ہمت سے کام لینے کی تلقین کی۔ اس موقع پر انہوں نے دہشت گردی کے شکارسبھی خاندانوں کے تئیں ہمدردی کا اظہار کیا اور حکومت سے مطالبہ کیا کہ جلد سے ان خاندانوں کو انصاف دلایا جائے۔
