کانپور ( محمد عثمان قریش) بابائے کانپور چوہدری ضیاء الاسلام (مرحوم) کی پانچویں برسی کے موقع پر جناب توفیق احمد عرف ساجد سر کی صدارت میں ایک میٹنگ منعقد ہوئی جس میں غفران احمد چاند نے مرحوم کی زندگی پر تفصیل سے روشنی ڈالی۔ ان کے بیٹے عبداللہ چوہدری نے اپنے والد کے راستے پر چلتے ہوئے ان کے ادھورے کام کو مکمل کرنے کا عہد کیا ہے ۔
اس موقع پر مولانا سعد خاں ندوی نے تلاوت قرآن کے بعد مرحوم کے لئے دعائے مغفرت کی ۔ ساجد سر نے اپنی صدارتی تقریر میں مرحوم کی تعلیمی میدان میں کی گئی خدمات کا ذکر کیا۔
میٹنگ میں چودھری غفران علی، حاجی افضال احمد ، حاجی اختر کمال، حاجی ہارون گڈو ، وکیل احمد ، آفرین انصاری، قیوم قریش، مستقیم قریشی، سنیل وغیرہ موجود تھے۔
